鯛魚魚湯專門店 (已結業)

今日朋友介紹去鰂魚涌有間叫：鯛魚魚湯專門店；魚湯是用鯛魚煲十多個鐘而成，湯底足料非常好飲。我聽了當然答應同佢去啦！間鋪頭地方唔算太大，但食到咁上下已經有很多人排隊，好彩我地早一步到，我就叫左碗:鮑魚花膠魚肚:手打烏冬$138 ，鮑魚有2隻細細隻都幾彈牙，花膠滑嘟嘟腍腍地，有好多塊可補骨膠原，魚肚超厚身，加上有好多葱花香和木耳爽口，仲有濃郁呈牛奶白既香甜鯛魚湯，爽滑彈牙烏冬和所以食材吸入晒魚湯味，簡直是絕配，食唔停口。而朋友點左新推薦既波士頓龍蝦:手打烏冬$138，仲配埋火滾住熱騰騰咁上檯，估唔到有全隻龍蝦有我手掌隻半大，肉質鮮甜又實肉非常新鮮，提供埋工具夾碎d蟹殼，而烏冬滑嘟嘟，都是有木耳和葱花，碗鯛魚湯朋友飲到舐舐脷，見佢飲得咁開心，我都食得更加開心。而晚市餐飲半價叫了杯滴漏奶茶$8，都幾香滑濃郁，水蜜威尼斯$18，有清甜水蜜桃🍑梳打味同超多蘆薈粒，好爽口！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊