全日雞實驗所

營業中

休息中

食雞，最緊要有雞味。全日雞真正做到雞有雞味，肉質嫩滑（雖然加咗10蚊轉雞髀），雞皮爽彈，已經完勝八成舖頭。老火湯相當有住家味道，青瓜簡簡單單又好清爽，兩樣嘢都做得好出色。三色醬汁入面，薑蓉完全打成醬，對於唔鍾意食到薑絲嘅人嚟講係幾唔錯，至少有新鮮感，甜醬油亦不過不失。比較可惜嘅係辣醬完全冇辣味，呢度扣咗啲分。另外油飯雖然蓬鬆有香氣，但食到尾唔知點解有陣微微嘅鹼水味，有些少奇怪。總括嚟講，全日雞實驗所喺我食過嘅海南雞飯入面可以排入前三名。希望佢嘅生意唔會受位置影響太多，當日係星期六嘅傍晚到訪，成個Food Court水靜鵝飛，只有四五檯人客，多少有啲令人擔憂。