Hugo Le Resto Grill (已結業)

銅鑼灣色店好多人，但食嚟食去都係嗰啲，今日朋友帶我地去樓上cafe試吓，果然令人驚喜。近銅鑼灣怡和街華人銀行大廈2樓，估唔到原來係間西餐廳，主打食意粉牛扒，我哋中午時分去到，人唔算好多，見到店主好熱情，招乎唔錯。中午有午餐，有自助沙律吧，仲有餐湯麵包同埋主菜飲品，百零蚊左右好豐富，星期一至五呢好多人訂位，不過今日星期日去到就唔算多人，可以慢慢地享用午餐，我叫咗個三文魚茄汁飯，三文魚煎得好脆口，茄汁飯以新鮮蕃茄煮，酸酸甜甜好開胃，分量好多一份兩個人食都得，食得到小店嘅用心製作。