一樂烏冬 (已結業)

同Honey去完黃金買野，兜下兜下去咗長沙灣，因為好耐無食過烏冬見到有間小店就試吓啦雖然店舖面積比較細，但入到去感覺都坐得舒服，而且唔會覺得大油煙味叫咗兩個烏冬，一個黑豚肉配魚湯，一個豬軟骨配黑蒜湯呢兩個湯佢地話超人氣，所以就試呢兩個啦！Honey就要魚湯，坦白講，魚湯我一向都抗拒，但有人喂到埋口就飲一啖啦，雖然對我黎講都有少少腥，但都算易入口同埋夠鮮味，不過就鹹咗少少；到我個黑蒜豬軟骨，當然第一啖係試飲咗個湯先啦，因為之前去過大坑某某拉麵有暗影，其實都驚好油膩，不入口竟然無，不過黑蒜味唔夠，而且湯底都係鹹咗D。另外叫咗4樣小食，燒蝦（唔記得影）、牛舌、一口牛同埋明太子雞翼明明全部都係寫住燒物，但明顯牛舌、一口牛唔似燒，好油好油至於雞翼，入面嘅明太子都係好鹹，鹹得好緊要。要食番個甜品平衡返D鹹味一個綠茶奶凍，一個杏仁奶凍，拍得住出面嘅甜品店，入口feel到好滑，不過奶凍上嘅紅豆就甜咗少少。