影片
更多
2020-06-20
163 瀏覽
今日約咗個好耐冇見嘅朋友食飯，由於佢係素食者，所以揀咗呢間素食餐廳。講真呢度完全唔似一間素食餐廳，有北歐風既感興趣仲好有情調。餐牌亦都同普通一般西餐廳唔大分別，其實仲好吸引添。一開始要咗份炸薯波送酒，朋友之前嚟食過佢話個黑松露醬非常好食，但好可惜今次餐廳話俾我哋知冇晒貨，暫時淨係有茄汁。但係都冇咗個薯波嘅美味，外層炸得好香脆但唔會過分油膩，薯仔味亦好濃。食咗呢啲咁香脆嘅小食，朋友就忍唔住要番杯酒飲。佢要咗杯peach on the beach，身為女仔嘅佢認為酒味唔算太濃，糖水嘅味道又唔會太假。主菜方面我要左白松露虎茸菌扁意粉，店員一放低已經聞到好香好香好香！重要嘅事情要講三次，因為真係充滿着好香白松露同蒜味。意粉炒到好乾身，上面輕輕掛着白松露同蒜油，仲有少少香草，其實就咁齋食呢個意粉已經好好味,而配料就有唔同嘅菇類，特別一提當然係呢個虎茸菌啦，食落去菇味香濃而且爽口。而朋友叫咗嘅松露蘆筍意大利飯亦非常出色。店員話用左英國訂購既全素芝士，其實食落同一般芝士唔大分別，甚至更加濃更加香，成個飯都充滿芝士味，同時好rich 好creamy。主角蘆筍粗壯但食落十分鮮嫩，竟然仲好多汁。廚師加左少
餐牌亦都同普通一般西餐廳唔大分別，其實仲好吸引添。
一開始要咗份炸薯波送酒，朋友之前嚟食過佢話個黑松露醬非常好食，但好可惜今次餐廳話俾我哋知冇晒貨，暫時淨係有茄汁。但係都冇咗個薯波嘅美味，外層炸得好香脆但唔會過分油膩，薯仔味亦好濃。
食咗呢啲咁香脆嘅小食，朋友就忍唔住要番杯酒飲。佢要咗杯peach on the beach，身為女仔嘅佢認為酒味唔算太濃，糖水嘅味道又唔會太假。
主菜方面我要左白松露虎茸菌扁意粉，店員一放低已經聞到好香好香好香！重要嘅事情要講三次，因為真係充滿着好香白松露同蒜味。
意粉炒到好乾身，上面輕輕掛着白松露同蒜油，仲有少少香草，其實就咁齋食呢個意粉已經好好味,而配料就有唔同嘅菇類，特別一提當然係呢個虎茸菌啦，食落去菇味香濃而且爽口。
而朋友叫咗嘅松露蘆筍意大利飯亦非常出色。
店員話用左英國訂購既全素芝士，其實食落同一般芝士唔大分別，甚至更加濃更加香，成個飯都充滿芝士味，同時好rich 好creamy。
主角蘆筍粗壯但食落十分鮮嫩，竟然仲好多汁。廚師加左少少鹽同黑椒，就已經好好食了。
今餐雖然係食素，但係仍然有好滿足嘅感覺。因為食得出呢度嘅材料都好新鮮，同埋好用心製作，一定會再黎。
張貼
