影片
更多
2016-05-16
1257 瀏覽
好耐無食過放題，所以心思思喺OPENRICE揀左尖沙咀呢間相撲手食，一早就BOOK左6:15，去到首先喺樓下排隊等上去，等左大概5分鐘就開始上樓入座。一坐低，一定係例牌tick刺身食同壽司先，交左紙好快就一盤盤到左：賣相好靚，三文魚剌身都算厚切，生蝦好大隻！黑松露壽司、火焰蝦壽司同花之戀都好鮮味！值得讚係壽司嘅飯團SIZE都細舊，可以食多好多唔同種類都未飽！！！仲有特別製作壽司 - 牛肉泡菜卷，味道唔同一般日式壽司，有驚喜！！！吞拿魚海膽手卷，紫菜仲係脆，仲未"淋"，所以係即包，另外海膽唔腥都ok！飲品試左呢個石榴汁，個人都幾中意，大家可以試下：除左自己寫紙叫嘅食物外，佢仲有精選限量食品，店長會開咪同食客講有特別菜式，有興趣可以舉手要一份。呢一份係栗米蘿白雞腳湯，好足料，真心估唔到放題都可以有飲煮家湯嘅感覺，哈哈。。。三文魚水撥都係店長開咪嘅限量食品，呢個真係勁好食！d肉好滑好嫩！！！之後有兩位師傅推左兩大盤生蠔出黎，店長開咪話生蠔時間開始，原來只要upload相上相撲手FB PAGE就可以有兩隻生蠔，如果唔係，LIKE PAGE都有一隻的。排完一次可以再排，不過如果無人排就會直接推返
一坐低，一定係例牌tick刺身食同壽司先，交左紙好快就一盤盤到左：
賣相好靚，三文魚剌身都算厚切，生蝦好大隻！黑松露壽司、火焰蝦壽司同花之戀都好鮮味！值得讚係壽司嘅飯團SIZE都細舊，可以食多好多唔同種類都未飽！！！
仲有特別製作壽司 - 牛肉泡菜卷，味道唔同一般日式壽司，有驚喜！！！
吞拿魚海膽手卷，紫菜仲係脆，仲未"淋"，所以係即包，另外海膽唔腥都ok！
飲品試左呢個石榴汁，個人都幾中意，大家可以試下：
除左自己寫紙叫嘅食物外，佢仲有精選限量食品，店長會開咪同食客講有特別菜式，有興趣可以舉手要一份。呢一份係栗米蘿白雞腳湯，好足料，真心估唔到放題都可以有飲煮家湯嘅感覺，哈哈。。。
三文魚水撥都係店長開咪嘅限量食品，呢個真係勁好食！d肉好滑好嫩！！！之後有兩位師傅推左兩大盤生蠔出黎，店長開咪話生蠔時間開始，原來只要upload相上相撲手FB PAGE就可以有兩隻生蠔，如果唔係，LIKE PAGE都有一隻的。排完一次可以再排，不過如果無人排就會直接推返生蠔入去，唔等人嫁，所以想食要趁快排多兩轉。。。
d生蠔都幾鮮味！唔配汁仲好食！
甜品，係啫哩，配埋蜜糖又真係幾好食！
我第一次去呢間，感覺好新奇，員工同食客好closed，真心讚！特別係店長做野好上心，俾個like！
張貼
