影片
更多
2018-08-02
51 瀏覽
近年來荔枝角有出名的D2Place市集，估唔到附近嘅工廈都有高質素嘅Cafe。Cafe喺D2 place二期對面，一出地鐵站唔駛30秒就到，非常方便約朋友聚會。一入到Cafe就有煥然一新嘅感覺，入面裝修簡約而好典雅，星期日嘅午後陽光射入餐廳，環境好舒適，喺呢度懶洋洋度過下午真係幾好！入正題，就係呢度既set lunch 非常好。選擇唔算多，但款款好特別，有唔同嘅自家特色醬汁，好想樣樣都試下！我同朋友最後每人叫左一個set lunch 。前菜沙津 餐湯餐廳好壞從前菜就好易分勝負。南瓜湯賣相好好，味道濃郁；沙律看似普通，其實配上很少見嘅餐包，加上橄欖油和黑醋，見到餐廳對食物的每一細節好執著。All Day Breakfast好多Cafe都有唔同嘅All day breakfast食，最緊要睇食材嘅新鮮度同種類。 呢度有煙三文魚、大飛菇、煎腸、蒜蓉包、茄汁豆、沙律菜、炒蛋、各種生果，種類算係多，亦都好新鮮，分量十足。煎焗鮮加州鱸魚扒帆立貝 配 木瓜乳酪一開始見到木瓜乳酪覺得好特別，所以我就叫左呢樣。呢個汁真係好好食，淡淡嘅木瓜味，融入去乳酪入面，同鱸魚異常配合，加上檸檬汁，於夏日悶熱嘅天氣下
一入到Cafe就有煥然一新嘅感覺，入面裝修簡約而好典雅，星期日嘅午後陽光射入餐廳，環境好舒適，喺呢度懶洋洋度過下午真係幾好！
入正題，就係呢度既set lunch 非常好。選擇唔算多，但款款好特別，有唔同嘅自家特色醬汁，好想樣樣都試下！我同朋友最後每人叫左一個set lunch 。
前菜沙津 餐湯
餐廳好壞從前菜就好易分勝負。南瓜湯賣相好好，味道濃郁；沙律看似普通，其實配上很少見嘅餐包，加上橄欖油和黑醋，見到餐廳對食物的每一細節好執著。
All Day Breakfast
好多Cafe都有唔同嘅All day breakfast食，最緊要睇食材嘅新鮮度同種類。 呢度有煙三文魚、大飛菇、煎腸、蒜蓉包、茄汁豆、沙律菜、炒蛋、各種生果，種類算係多，亦都好新鮮，分量十足。
煎焗鮮加州鱸魚扒帆立貝 配 木瓜乳酪
一開始見到木瓜乳酪覺得好特別，所以我就叫左呢樣。呢個汁真係好好食，淡淡嘅木瓜味，融入去乳酪入面，同鱸魚異常配合，加上檸檬汁，於夏日悶熱嘅天氣下仍然開胃十足！
（希望唔好咁快轉menu, 我下次黎想再食多次呢個！）
張貼
