一喜燒 (已結業)

一入到店內映入眼簾嘅就係呢個「無肉不歡」燈牌，相信食肉獸們一定好有共鳴🤣 枱面雖唔大，但店家有好好善用空間，喺枱中間有個高身嘅托盤俾食客們share串燒用，咁就輕鬆解決一碟二碟擺滿枱唔就手嘅問題✅餐廳提供各式各樣嘅串燒，我哋點咗唔少丸類、肉類同蔬菜類，仲有小碟手拍青瓜添🤩 而當中最難忘嘅係以下呢幾樣！<霸王豬大腸 $22>好厚身但一啲都唔韌，猛火逼出多餘油脂🔥 鹹香十足！<燒粟米 $18>已細心切開4件方便食用，表面帶少許燒焦之餘，粟米仍然爽甜😋<脆香墨魚咀 $24>唔會燒得太乾身，口感煙韌，墨魚味鮮香濃郁🌊 <燒潮汕爆汁牛丸 $22>小心燙口⚠️ 一咬肉汁蜂擁而至，頗有嚼勁。牛味比一般牛丸香濃。