豬朋雞友 (已結業)

今日去左佐敦搵朋友食飯，見到呢間「豬朋雞友」專做外賣，望落好吸引，就一於買黎試下😍我哋兩個人叫咗兩個餐，一個叫套餐「天使魔鬼任選套餐$58」👼🏻🧛🏻‍♀️ 有4樣野簡～ 🐓主食：牛油檸檬雞扒，雞扒好大塊，份量十分，煎得外脆內軟。🍅醬汁：意式茄醬，酸酸甜甜好開胃。🥦每日能量：自家製椰菜花飯，估唔到會有咁健康嘅選擇，啱晒減脂人士，份量都幾多，唔使驚唔夠飽，炒完既椰菜花好香口。🥕解喝：雞友湯，今日係蕃茄蔬菜湯，好足料又健康，每啖都食到一粒粒嘅紅蘿蔔。另外一個叫左「豬朋蔥油煎蛋飯」🐷🍳豬扒都好大塊，兩隻太陽蛋煎得好完美，靚仔白飯配上自家製嘅蔥油，同埋溢滿既蛋汁，食落惹味開胃，令人食慾大增！好快就食哂成個飯🤣老闆好nice好friendly，熱情咁介紹有咩好食，佐敦既朋友可以買番屋企食下呀😉