影片
更多
2019-04-04
88 瀏覽
近期食過嘅餐廳之中印象最深刻嘅一間。Menu款式比起其他西餐廳唔算太多，但每道菜都係真材實料，精心炮製。每次上菜嘅時候，店主都親自同每檯客人介紹菜式，完全感受到呢間小店嘅用心！西班牙橡果飼養黑毛豬前腿(24個月)店主特別推介話呢種火腿係Iberian ham，來自佢地係西班牙有份投資嘅農場所養嘅黑毛豬。呢種火腿質感較為軟身易咬，火腿聞落幾香，而且味道適中，唔會過鹹。香蒜西班牙黑毛豬辣肉腸炒虎蝦虎蝦大隻多肉，口感十分爽滑，連埋臘腸粒、蒜粒同洋蔥一齊炒，使蝦肉非常入味，最特別嘅係呢道菜係用黑毛豬火腿脂肪嘅豬油炒，所以食落有陣特別嘅鹹香味，但又唔會覺得好油膩！白酒牛油炒北海道帶子帶子大粒爽口，加入白酒同牛油去炒，而且唔會炒得過熟，令到帶子嘅鮮味得以保留。配菜茴香都好特別，唔係成日食到。香煎法國鴨胸配香橙蜜桃汁鴨胸外皮煎得香脆，鴨肉嫩滑，而且鴨個種臊味唔係太濃。香橙蜜桃汁係用蜜糖慢煮，然後加入搗爛左嘅香橙，所以成個汁唔會淨係得糖嘅甜膩，而係有種淡淡嘅橙香係入面，配鴨胸一齊食好正！燒濕熟成美國牛肩扒牛扒係一件件切好上檯，唔洗自己落手切！牛扒以慢煮方式烹調，牛肉嘅肉汁被鎖住，食落好Juicy，味道
西班牙橡果飼養黑毛豬前腿(24個月)
店主特別推介話呢種火腿係Iberian ham，來自佢地係西班牙有份投資嘅農場所養嘅黑毛豬。呢種火腿質感較為軟身易咬，火腿聞落幾香，而且味道適中，唔會過鹹。
香蒜西班牙黑毛豬辣肉腸炒虎蝦
虎蝦大隻多肉，口感十分爽滑，連埋臘腸粒、蒜粒同洋蔥一齊炒，使蝦肉非常入味，最特別嘅係呢道菜係用黑毛豬火腿脂肪嘅豬油炒，所以食落有陣特別嘅鹹香味，但又唔會覺得好油膩！
白酒牛油炒北海道帶子
帶子大粒爽口，加入白酒同牛油去炒，而且唔會炒得過熟，令到帶子嘅鮮味得以保留。配菜茴香都好特別，唔係成日食到。
香煎法國鴨胸配香橙蜜桃汁
鴨胸外皮煎得香脆，鴨肉嫩滑，而且鴨個種臊味唔係太濃。香橙蜜桃汁係用蜜糖慢煮，然後加入搗爛左嘅香橙，所以成個汁唔會淨係得糖嘅甜膩，而係有種淡淡嘅橙香係入面，配鴨胸一齊食好正！
燒濕熟成美國牛肩扒
牛扒係一件件切好上檯，唔洗自己落手切！牛扒以慢煮方式烹調，牛肉嘅肉汁被鎖住，食落好Juicy，味道好好，肉質亦唔算太韌兼幾嫩滑。
蕃茄湯
估唔到呢間餐廳連比較次要嘅餐湯都咁高質！蕃茄湯係由原隻蕃茄搗爛製成，所以蕃茄個種鮮味係非常濃郁，裡面仲有牛肉粒，好飲！
黑松露薯條
薯條炸得金黃香脆，黑松露嘅香味十分突出。
甜品係haagen daz雪糕！
張貼
