我同朋友就揀二人套餐，$488有7道菜而言係好抵食！包括有餐湯、沙律、小食、主食、甜品同飲品。
是日餐湯
餐湯係粟米南瓜湯，湯唔算稀或稠，就我而言剛剛好，最鍾意餐前麵包配餐湯嘅食法。
蟹肉煙三文魚沙律配油醋汁
煙三文魚份量多，蟹肉同沙律配油醋汁，酸酸甜甜好開胃。
炸物拼盤
炸雞翼+炸茶樹菇+炸餃子🥟
炸茶樹菇口感好特別，平時好少試到。
炸雞翼係即炸熱辣辣，雞肉好嫩滑。
炸餃子係豬肉餡料，餃子皮咬落去好脆口。
紐西蘭肉眼扒（五成熟）
肉眼扒煎得剛剛好！大大塊而且顏色好靚，肉質嫩滑多汁，超驚喜，勁推薦👍
帶子黑松露意大利飯
帶子好香口鮮甜，黑松露意大利飯好creamy，飯嘅口感軟綿。
甜品
最後甜品係自家制曲奇，不過掛住食唔記得影相，曲奇唔會好甜，唔係脆，屬於酥鬆的口感。
聽到外面有露台，原來可以在露台BBQ，餐廳逢星期三有live band，仲可以平價包場或包房（可唱K!），欣賞餐廳好用心經營同有自家特色。
