影片
更多
2018-05-29
51 瀏覽
好耐都無四出搵食，今日同朋友去開鰂魚涌，咁啱俾我地見到呢間餐廳。門面嘅裝修較低調，行過嘅時候都好容易注意唔到。估唔到樸素嘅外表，入面竟然蘊藏着好好味嘅食物！入到去見到餐廳嘅環境都幾舒服，而店内仲有好幾隻bearbrick公仔😂我同朋友叫咗兩個前菜，其中一個係牛油果豆腐。真係冇諗過原來牛油果配豆腐都可以咁夾，牛油果嘅香軟細膩口感，同豆香豐富嘅滑溜豆腐一拍即合🥑另一個前菜係清酒煮蜆。清酒嘅味道經過烹調之後唔會太過濃烈，唔飲清酒嘅朋友都會接受到呢種慢慢滲出嚟嘅清酒香味。蜆肉十分鮮甜入味，作為starter十分合適。主菜方面，我叫左一客海宝天婦羅丼。日式丼飯通常都會係以新鮮嘅魚生刺身為主，冇諗過天婦羅嘅丼都一樣咁好食。天婦羅入面有海鮮有蔬菜，海鮮就包括甜蝦、烏賊、白肉、小扇貝。個人最鍾意小扇貝天婦羅，入面煙韌，外面脆卜卜，味道仲好鮮甜。另外，番薯天婦羅同埋海苔天婦羅都唔錯。內外有着唔同嘅口感，層次非常豐富，並唔係坊間一般常常食到嘅甜蝦天婦羅咁簡單。由落單到上菜，直到我哋離開，都感受到餐廳嘅職員同埋廚師嘅用心，可以喺香港搵到用心經營嘅餐廳真係好難得，所以一定會繼續支持呢間店舖，介紹比更加多嘅朋友
入到去見到餐廳嘅環境都幾舒服，而店内仲有好幾隻bearbrick公仔😂
我同朋友叫咗兩個前菜，其中一個係牛油果豆腐。
真係冇諗過原來牛油果配豆腐都可以咁夾，牛油果嘅香軟細膩口感，同豆香豐富嘅滑溜豆腐一拍即合🥑
另一個前菜係清酒煮蜆。清酒嘅味道經過烹調之後唔會太過濃烈，唔飲清酒嘅朋友都會接受到呢種慢慢滲出嚟嘅清酒香味。蜆肉十分鮮甜入味，作為starter十分合適。
主菜方面，我叫左一客海宝天婦羅丼。日式丼飯通常都會係以新鮮嘅魚生刺身為主，冇諗過天婦羅嘅丼都一樣咁好食。
天婦羅入面有海鮮有蔬菜，海鮮就包括甜蝦、烏賊、白肉、小扇貝。個人最鍾意小扇貝天婦羅，入面煙韌，外面脆卜卜，味道仲好鮮甜。
另外，番薯天婦羅同埋海苔天婦羅都唔錯。內外有着唔同嘅口感，層次非常豐富，並唔係坊間一般常常食到嘅甜蝦天婦羅咁簡單。
由落單到上菜，直到我哋離開，都感受到餐廳嘅職員同埋廚師嘅用心，可以喺香港搵到用心經營嘅餐廳真係好難得，所以一定會繼續支持呢間店舖，介紹比更加多嘅朋友。
張貼
