1523 釗級廚房 (已結業)

1523釗級廚房係一間好有良心嘅西餐小店，佢而家咁嘅時勢，去食飯，老闆好窩心咁送咗個口罩膠套俾我哋，呢啲就係香港人互助嘅精神，淨係呢點已經值得繼續支持佢哋，老闆娘本人亦都係好Nice嘅，好有禮貌，講返食物先，性價比幾高，佢個餐湯唔係普通粟米忌廉罐頭開，有粒粒嘅薯仔打出黎，今次有五個人去食，分別叫咗雞扒豬扒西冷牛扒飯，另外在帶咗個蟹棒忌廉意粉，個意粉忌廉汁好濃，好creamy ，至於啲扒，全部都係好大塊，抵食嘅，最好食係豬扒，但塊西冷牛扒有啲韌，雞扒方面視乎鍾唔鐘意食香草汁啦，但如果塊雞皮脆啲就好了，餐飲叫咗凍檸茶，以西餐來講都算OK