影片
更多
2020-10-26
403 瀏覽
被低估嘅印尼菜🇮🇩不嬲諗食乜都會揀日本菜、意大利菜或者中菜，好少諗到印尼菜，畢竟冇乜試過，同我淨係識印尼撈麵⋯⋯ 今日經過銅鑼灣，見到有間印尼菜就決定試下。-巴東燒倉魚飯一整條燒嘅倉魚配上巴東醬，再加上飯，非常好食。巴東醬個膽各家各户都有自己嘅食譜，但普遍都用好多香港人未必聽過嘅材料，例如斑蘭葉、黃薑、紅葱頭、石粟、辣椒等，所以佢嘅味道唔單止係單單辣咁簡單。一入口有辣椒較濃嘅味，再耐啲就係好多種香料混合而成嘅香味，有好多種層次，非常之惹味。我睇新聞話餐廳要先用石磨去磨碎材料再炒香，非常費時。另外，條魚經燒過後唔會好乾，入面仲係微濕，配合巴東嘅濃味真係好夾同惹味。-瑪瑯大粒包細粒白鬚牛丸湯我地仲試左牛丸湯麵，同我地食開香港嘅牛丸唔同，佢係一粒大嘅牛丸入面包住大概五粒嘅細牛丸，所以切開嗰陣相當有驚喜。原來白鬚牛丸係印尼街頭小食，白鬚就係指牛丸，啲牛丸幾彈牙，質感厚實又飽滿。飲啖湯就唔似港式嗰啲咁油膩，清而不濁，又冇味精湯嗰種好人造嘅感覺，絕對花左心機同時間。切開一睇，內裏有乾坤！-沙嗲拼盤佢嘅拼盤包括雞、牛、羊同白膳各兩條。同港式沙嗲唔同，佢冇咁濃同甜，有好香嘅花生味。其中個白膳就最令我難
不嬲諗食乜都會揀日本菜、意大利菜或者中菜，好少諗到印尼菜，畢竟冇乜試過，同我淨係識印尼撈麵⋯⋯ 今日經過銅鑼灣，見到有間印尼菜就決定試下。
-
巴東燒倉魚飯
一整條燒嘅倉魚配上巴東醬，再加上飯，非常好食。巴東醬個膽各家各户都有自己嘅食譜，但普遍都用好多香港人未必聽過嘅材料，例如斑蘭葉、黃薑、紅葱頭、石粟、辣椒等，所以佢嘅味道唔單止係單單辣咁簡單。一入口有辣椒較濃嘅味，再耐啲就係好多種香料混合而成嘅香味，有好多種層次，非常之惹味。我睇新聞話餐廳要先用石磨去磨碎材料再炒香，非常費時。另外，條魚經燒過後唔會好乾，入面仲係微濕，配合巴東嘅濃味真係好夾同惹味。
巴東燒倉魚飯
$148
76 瀏覽
0 讚好
0 留言
-
瑪瑯大粒包細粒白鬚牛丸湯
我地仲試左牛丸湯麵，同我地食開香港嘅牛丸唔同，佢係一粒大嘅牛丸入面包住大概五粒嘅細牛丸，所以切開嗰陣相當有驚喜。原來白鬚牛丸係印尼街頭小食，白鬚就係指牛丸，啲牛丸幾彈牙，質感厚實又飽滿。飲啖湯就唔似港式嗰啲咁油膩，清而不濁，又冇味精湯嗰種好人造嘅感覺，絕對花左心機同時間。
瑪瑯大粒包細粒白鬚牛丸湯
$78
50 瀏覽
0 讚好
0 留言
切開一睇，內裏有乾坤！
瑪瑯大粒包細粒白鬚牛丸湯
$78
100 瀏覽
0 讚好
0 留言
-
沙嗲拼盤
佢嘅拼盤包括雞、牛、羊同白膳各兩條。同港式沙嗲唔同，佢冇咁濃同甜，有好香嘅花生味。其中個白膳就最令我難忘，因為佢入面嘅肉好滑，又唔同燒到好乾身，仲有佢冇晒啲細骨，食起黎好方便。同巴東魚一樣，佢嘅醬好惹味好多層次，唔會好辣，令人回味。
沙嗲拼盤
$188
29 瀏覽
0 讚好
0 留言
-
印尼湯圓
我點左個印尼湯圓，同中式湯圓唔同，入面係冇料嘅，反而比較似芋丸咁，但質感就腍啲，冇咁有咬口，但都有隱約嘅米香味，而個「湯」就係甜嘅椰汁。
印尼湯圓
$38
33 瀏覽
0 讚好
0 留言
-
尼間餐廳提供好多我未試過嘅菜，雖然冷門同位於銅鑼灣市鬧市，佢用嘅材料非常多，非常用心煮同準備，並唔係講求快、打卡靚嘅食物，佢係好真真正正咁俾每位客人享受一個難忘嘅經驗。佢嘅巴東魚真係好好食，好惹味，好有層次嘅味道，下次翻黎必試巴東牛肉。
食完尼餐，我其實好慚愧。我細個都係由印尼工人姐姐照顧大嘅，但竟然對佢地嘅飲食文化咁少了解。其實香港有好多種族嘅人，好值得我地去嘗試了解佢地嘅文化，例如印度唔係得咖哩，印尼唔係得撈麵，點解我地成日規範自己去食啲你估到嘅味道呢？我覺得我地總係活喺自己嘅comfort zone ，冇試過就好直接咁評論。我喺尼間餐廳揭開本menu ，有好多我未聽過未見過嘅菜式，我先知自己有幾無知，好想試晒每種食物。其實我盡量寫低我味蕾話俾我知嘅味道，仲有好多等你去探索。上openrice 搵野食無非都係想試新嘅餐廳，但如果永遠只係試一式一樣嘅菜式，我地永遠只係識得分別好食啲嘅牛扒或者多油啲嘅拖羅。點解唔試下一個全新嘅菜式呢？
我真係覺得尼間係香港少數好有心經營嘅餐廳，食嘅唔止係味道，仲有背後嘅精神同文化。
張貼
