影片
更多
2022-10-16
26 瀏覽
通常同朋友食飯都唔會諗起地中海菜，本身喺香港好少見，而且喺佐敦呢個地方應該少之又少，之前經過廟街，見到大大個牌寫住有推廣，應該係新開嘅餐廳，所以今日同朋友上咗去試吓。我本身諗住呢啲商業大廈入邊嘅餐廳裝修應該唔會太舒服，但係一去到嘅環境好開陽，而且枱同枱之間唔會好迫，令人坐得舒服。餐牌唔算太多選擇，雖然有二人餐，但係朋友對蝦敏感，所以只可以散嗌。沙律配小雪莉酒醃製西蕃茄、菠菜和曼切戈芝士刨花($88):沙律份量唔算大，不過兩個人當錢財，絕對可以。西番茄好甜，配上balsamic sauce開胃之餘而且覺得好健康。Manchego cheese shavings 都好好味，唔算太重芝士味，所以唔會蓋過沙律本身嘅新鮮甜味。香脆魚配阿拉比亞塔醬($78): 即叫即炸，雖然配上一小片檸檬，但係香脆魚上邊應該有少少鹽吧，就咁食都好夠味。而且應該用咗新鮮魚塊，食上去好鮮嫩，外面炸得脆身，而且保持到入面嘅鮮嫩，廚師應記一功。Arrabiata sauce煮得出色，傳統來講應該會有蒜蓉，蕃茄，同埋乾紅椒，三姐比例教得好好，雖然辣辣地，但係唔會搶左食物本身嘅味道，而且佢嘅辣唔會停留喺口好耐，再配上少少檸檬
我本身諗住呢啲商業大廈入邊嘅餐廳裝修應該唔會太舒服，但係一去到嘅環境好開陽，而且枱同枱之間唔會好迫，令人坐得舒服。餐牌唔算太多選擇，雖然有二人餐，但係朋友對蝦敏感，所以只可以散嗌。
沙律配小雪莉酒醃製西蕃茄、菠菜和曼切戈芝士刨花($88):沙律份量唔算大，不過兩個人當錢財，絕對可以。西番茄好甜，配上balsamic sauce開胃之餘而且覺得好健康。Manchego cheese shavings 都好好味，唔算太重芝士味，所以唔會蓋過沙律本身嘅新鮮甜味。
香脆魚配阿拉比亞塔醬($78): 即叫即炸，雖然配上一小片檸檬，但係香脆魚上邊應該有少少鹽吧，就咁食都好夠味。而且應該用咗新鮮魚塊，食上去好鮮嫩，外面炸得脆身，而且保持到入面嘅鮮嫩，廚師應記一功。Arrabiata sauce煮得出色，傳統來講應該會有蒜蓉，蕃茄，同埋乾紅椒，三姐比例教得好好，雖然辣辣地，但係唔會搶左食物本身嘅味道，而且佢嘅辣唔會停留喺口好耐，再配上少少檸檬汁，就帶到蕃茄嘅味道出嚟。
燒烤黑豬扒配松露醬烤南瓜($268): 豬扒保留到肉汁，調味都剛剛好。反而配上松露醬，松露味唔算太突出。烤南瓜夠甜，不過應該再有額外嘅調味，所以如果兩者一齊食，會有少少喧賓奪主。
布拉塔乳酪配蜂蜜、甜羅勒醬配蕃茄蜜餞($82): 份量唔多，有三舊，老闆出嚟叫我哋要一啖過咁樣食晒佢。蜂蜜同蕃茄蜜餞帶出乳酪嘅奶味，兩者都係天然嘅甜味，呢個配搭絕對出色，配上一小片嘅薄荷葉，為成個甜品添上一點清新。朋友本身唔好乳酪，點知呢個甜品令到佢要同我爭最後嗰一舊😂。
西班牙油條配花生、果仁糖、巧克力($68): 新鮮炸出嚟嘅油條外脆內軟，入面遠到好似食緊啱啱出爐嘅蛋糕一樣，軟綿綿。杯底有cream同朱古力，唔太甜，反而剛好同churros上面嘅砂糖平衡到。一個order有兩杯，一人一個唔洗爭。
總結：呢度嘅份量唔算好多，但係全部嘅食材都用心挑選，每一樣細節位都做得好足，令到用餐嘅人感到好滿足。所有嘢都啱啱好，唔會過分搶味。另外要一讚嘅係呢度嘅職員都好有線，而且好用心講解每一道餸，態度都好親切，下次一定會帶食海鮮嘅朋友再黎試下個seafood paella😊✨✨
張貼
