等中午出去食lunch@小蟻人甜品西餐
餐廳開左無耐~裝修格調幾靚..近窗位置係卡檯座
以淺色牆身為主~窗外引入自然光..簡約又光猛
Lunch Set有8款..跟上餐飲(5款汽水及3款果茶選擇)
+$20可轉特飲/特式咖啡 or +$30可配甜品(4款選擇)
"傳統白汁忌廉雞皇 配白飯"($58)
醬汁質感好滑..味道唔算漏~蔬菜份量好多+新鮮..雞肉嫩滑
伴灼蔬菜..無油感好健康~蔬菜熟度剛好..口感爽脆
白飯份量好多~飯非常夠熱度..食到尾仲見有微煙出的
"卡邦尼銅模意大利粉"($56)
份量好多..醬汁及餸料非常豐富~芝士粉同樣好足料
鹹豬手粒帶淡淡鹹香感..唔會過鹹~仲有唔少菇
碟邊仲有美美點綴~將乾蔥混合意粉同吃..味道更香
白汁始終比較易漏~廚師仲細心係碟邊..再伴上黑醋
邊食意粉又可以點少少黑醋同吃~感覺非常美好
餐飲.."檸檬茶" & "無花果布冧果茶"
整體食物有水準+非常夠熱~味道平均..少油感覺較健康
環境好舒適~服務都好唔錯~Set Lunch價錢好抵食
遲d會去試甜品~賣相/款式好多選擇又靚
