山系。本舍

營業中

休息中

行過太子見到新開左一間試業中的居酒屋，麻雀雖小但五臟俱全，抽風系統唔錯，處理串燒的時候，都唔會有刺眼的油煙，坐位唔多，勝在吧台位置可以邊同廚師聊天，份外能感受到廚師的心機，相當親切。山葵醬油拌海葡萄一道非常爽口的小涼菜，配上甘筍絲味道偏酸，令人好開胃。手工櫻花蝦醬拌凍豆腐豆腐非常滑溜，配上櫻花蝦的鮮甜鹹香味，口感豐富，醬汁調校得剛好。山系燒雞皮經火把雞皮的油脂烤乾，口感已沒半點膩，反而有點香脆爽口，配酒一流。燒日式腩肉食腩肉就係喜歡夠肥美，燘得軟熟後再香煎，口感肥美柔嫩，咬落肉汁香甜四溢。黑松露醬配炸薯條粗身薯條炸得好香脆，乾身得來沒有油膩感，面層仲有海苔粉，醬汁松露味道濃郁。一夜干黃花魚黃花魚魚味濃郁，骨大條易起，碎骨較少，肉質嫩滑，加上檸檬汁鮮味更出，沾上醬汁更為惹味。與朋友一起慢慢細嚐烤魚，的確係個唔錯的選擇。