布萊恩·L食堂 (已結業)

又到星期五聚會嘅時間，放工同朋友去覓食裝修走簡約風， 整整齊齊，有d似深宵食堂Menu入面都幾選擇，價錢唔貴叫咗個原條鰻魚石頭鍋飯，份量非常大，飯非常多我地揀左+芝士好cream，面果陣成pat芝士，配搭起來味道幾夾，重芝士味，非常啱芝士控嘅朋友真係原條鰻魚約20~30cm成隻手臂咁長，幾厚身有咬口，肉質有層次無骨，燒汁甜甜地煙燻味，無腥味再配襯鰻魚汁，直情係正個石頭鍋飯因為非常熱，下邊有飯焦，飯焦非常香口石鍋內珍珠米圓潤粒粒分明，熱辣辣，值得一讚另外點左個牛肉石頭鍋飯share，非常足料加配左流心太陽蛋mix燒香左既牛肉粒燒汁，邪惡但滿足！上枱黎到時，仲聽到啲吱吱聲，非常熱辣辣，撈埋溫泉蛋，牛肉燒汁加上蛋汁 呢個組合冇得輸鍋底係有有啲飯焦，令成個飯更有口感有驚喜的既食酥炸大啡菇，啡菇經過油炸不但沒有因而變得乾硬或者滲滿油份，反而變得外脆內軟，大啡菇咬落去水份豐沛，炸皮無過厚，乾爽酥脆，沾上大pat大既黑松露醬更係天衣無縫，好吃而不膩。#~~好大pat黑松露醬，一d都唔孤寒~~~叫咗特飲 整體覺得今晚很滿意，價錢合理，材料有睇頭。