西環地方唔算大，但有好多小店餐廳，《嚥宮》餐廳唔算好大，但環境舒適乾淨，之前聽親戚講餐廳可以自已帶海鮮加工，仲要唔按斤秤，帶幾多都係$1XX左右，所以吸引左去試，
椒麻牛柳粒：肉質鮮嫩，口感軟淋，花椒味濃，但唔算好辣，十分惹味。
蒜蓉粉絲元貝：蒜蓉加粉絲，本來就係海鮮配搭，蒜蓉味道香濃，粉絲爽口，沾上蒜香同元貝既鮮味，非常好食，而元貝肉厚身，口感較韌。
豉椒炒蜆：蜆鮮美十足，而且夠鑊氣有大排檔風味，上台時香氣十足，味道惹味，又香又辣，好食到一口接一口。
總結，幾個小菜味道幾好，有獲氣，中菜黎講算幾出色，而且店員服務幾好。
