錫子圓 (已結業)

今晚放工去到銅鑼灣好多嘢食嘅金百利廣場，試下一家叫錫子圓嘅餐廳，因為睇到佢好多家常小菜可以選擇。諗咗好耐，樣樣都想試。呢到賣點係用錫子烤美食，所以最後決定叫一個檸檬烤海鱸魚，有白飯送咖。我特別中意檸檬配烤焗炸嘅食物，帶出清新嘅感覺。鱸魚烤得恰到好處，外皮脆脆哋，入面魚肉柔嫩香口。再加一碟烤金沙骨，焦香惹味，甜甜黏黏嘅醬汁，送飯一流。好彩金沙骨係同西蘭花一齊上碟，總算係一個均衡飲食。飲品就揀咗桑椹蜜。睇個名我決定唔到，但睇到佢有烏髮補腎，強化關節嘅功能，正正係我需要嘅嘢，即刻飲。熱飲暖笠笠，甜甜的，好舒服。