餐牌好多野揀，淨係雞都有十幾款口味😆價錢由四十幾蚊起，好親民。
⭐海南雞併肉碎飯
朋友點左雙併飯海南雞併肉碎，雞件已去骨，嫩滑入味，皮下脂肪唔多但有啫喱狀物，勁好食喎，果然係用心做雞👍🏻另外肉碎都好正，有洋蔥豆角等現炒，香口有口感，勁好送飯🤤
⭐咖哩牛腩飯
自己就點左咖哩牛腩飯，正常的港式咖哩口味，少少辣幾正，入面有唔少牛筋腩，炆得軟腍仲好入味🤤撈飯食勁正！
⭐例湯
跟海南雞的例湯，是晚係蓮藕雞湯，幾鮮味吖。
⭐凍鴛鴦 & ⭐熱檸茶
飯餐唔包餐飲的，熱飲+$3，凍飲+$6，ok啦。
⭐熱柚子薏米水
見街坊個個都點杯薏米水又加杯試下先，薏米煲到軟糯再加左柚子，清清地帶穀物香，微甜，又真係正喎😋
好味好味，下次黎食下其他口味嘅雞先。
