Dirty Burger (已結業)

出開街突然想食burger, 於是買返屋企慢慢食。餐廳主要做外賣，欣賞佢選用隔熱紙袋同外賣盒，拎到返屋企唔會凍哂。雙層陀地手打牛肉漢堡好有份量，同朋友一人一半啱啱好。兩塊漢堡扒都好厚身，因為手打既關係，食落非常juicy! 漢堡醬汁帶點辣，食落更惹味。好欣賞佢既麵包同洋蔥，麵包係日日新鮮製造，夠哂健康，而洋蔥炒得熟，唔會有生洋蔥嗰種刺鼻感。陀地炸雞翼辣中帶有蒜香，咬落外脆內嫩又多汁。邪恐白車打芝士醬配香脆厚切梅子鹽味薯條既芝士醬有成半杯，啱哂我呢個芝士控😂薯片係厚切既，加咗唔少分。而且平時好少食到梅子鹽味既薯條，鹹香中略帶甜味，口感獨特。好耐冇食薯餅，覺得牙痕想食下，即炸即食好香口。飲返杯蜂蜜青檸梳打，清新得嚟又解膩。