影片
更多
2020-07-07
3509 瀏覽
某日午飯時間經過K11，為食既我一時興起就去食火鍋，仲要係台式火鍋！😌湊湊火鍋，淨睇門面同廣告招牌都吸引到我去試下佢！門口仲貼心地提供麥茶俾客人☕️夏日炎炎，身為辣妹既我（😂其實只係食到譚仔四小辣程度），當然二話不說揀辣火鍋底啦！明明台式麻辣鍋就無理頭改左勵志鍋，非常台式style 唷～🌪［接下來每一個台式用心位會以🌪標記啊］我哋兩個人打算叫鴛鴦鍋，朋友就1516唔知揀呢個定呢個好🤔恭喜哂！最後係花膠雞勝出左既👏🏻👏🏻 你睇個湯底幾足料😍店員全程以台式普通話同我哋落單，加上佢唔正既廣東話，絕對相信佢係地道台灣人啊～🌪火鍋上台時，店員用台式溫柔腔🌪提醒我哋記得要小心攪拌花膠湯底唷～😳見到我哋偷懶就馬上過黎幫我哋繼續攪拌，仲裝埋靚湯俾我哋，溫馨提示我哋要小心燙唷～😳湯底好足料，有魚肚，鮑魚，雞粒，湯底好濃稠，鮮味非常又唔會太咸，非常合我口味😋 朋友大讚好飲，仲要encore多碗添！火鍋料方面，由於勵志鍋係可以任refill 鴨血同豆腐😳 最出名港人去台灣捧場個幾間火鍋都一定有任添鴨血的！呢個位超台哩！～🌪鴨血係我食到停唔到口😋，直頭好食過台灣人氣店，夠哂滑嘟嘟，我最唔中意好鞋口既鴨血或豬紅，
湊湊火鍋，淨睇門面同廣告招牌都吸引到我去試下佢！門口仲貼心地提供麥茶俾客人☕️
夏日炎炎，身為辣妹既我（😂其實只係食到譚仔四小辣程度），當然二話不說揀辣火鍋底啦！明明台式麻辣鍋就無理頭改左勵志鍋，非常台式style 唷～🌪
［接下來每一個台式用心位會以🌪標記啊］
我哋兩個人打算叫鴛鴦鍋，朋友就1516唔知揀呢個
定呢個好🤔
恭喜哂！最後係花膠雞勝出左既👏🏻👏🏻
你睇個湯底幾足料😍
108 瀏覽
0 讚好
0 留言
店員全程以台式普通話同我哋落單，加上佢唔正既廣東話，絕對相信佢係地道台灣人啊～🌪
火鍋上台時，店員用台式溫柔腔🌪提醒我哋記得要小心攪拌花膠湯底唷～😳見到我哋偷懶就馬上過黎幫我哋繼續攪拌，仲裝埋靚湯俾我哋，溫馨提示我哋要小心燙唷～😳
39 瀏覽
0 讚好
0 留言
湯底好足料，有魚肚，鮑魚，雞粒，湯底好濃稠，鮮味非常又唔會太咸，非常合我口味😋 朋友大讚好飲，仲要encore多碗添！
火鍋料方面，由於勵志鍋係可以任refill 鴨血同豆腐😳 最出名港人去台灣捧場個幾間火鍋都一定有任添鴨血的！呢個位超台哩！～🌪
鴨血係我食到停唔到口😋，直頭好食過台灣人氣店，夠哂滑嘟嘟，我最唔中意好鞋口既鴨血或豬紅，記得唔好放太耐先食啊☺️
210 瀏覽
0 讚好
0 留言
所以我哋簡單叫左肥牛同飛魚子墨魚滑！
呢碟最普通既肥牛上碟好靚，大大塊，睇落夠哂新鮮，只係$98，完全唔欺場，肉質無根唔過肥，抵食之選😋👍🏻
36 瀏覽
0 讚好
0 留言
飛魚子墨魚滑同樣出色，彈牙鮮味，仲佈滿勁多蟹籽😍，大大舊先$68！睇下張相幾誇張😂🙈
22 瀏覽
0 讚好
0 留言
調味料區仲設有兩款水果任食，當日既西瓜好新鮮好甜😋 我忍唔住食左好多舊下下火哩🤭
68 瀏覽
0 讚好
0 留言
驚喜嘅環節就係店員會送上一款沙冰俾你降降溫繼續作戰🌪 最後仲送上梅子茶凍做甜品作結，超級滿足哩！～🌪
我真心要大讚呢個茶凍，呢度有台式茶飲外賣，佢哋既茶真係好飲，茶味濃，無特別講幾多甜度下飲品都唔會太甜，好難得👍🏻
用佢哋既靚茶做到咁濃茶味既果凍，再配上酸酸地少甜既梅子汁，我想再食多個添啊😋😋😋
71 瀏覽
0 讚好
0 留言
最後送上全家幅，我哋慢慢傾計，好食既火鍋，好飲既茶飲，靚湯底靚料十下十下，又有任食水果，豆腐同鴨血，免費沙冰同甜品，超級滿足😍 渡過左一個彷如去左台灣既下午😙
61 瀏覽
0 讚好
0 留言
評分：
我第一個感覺就係湊湊火鍋贏左新加坡個間網紅火鍋店，同樣有花膠湯底，sell服務，任食水果，但個間湯底太咸，配料品質唔及呢間高，份量好少，湊湊火鍋CP值高好多！
當日仲有優惠，係31/7 前到k11店6:30前離座有85折啊！你都想過下台灣癮就不妨一試啦🤗
希望大家喜歡人家這次的分享唷！～（突如其來的台妹mode😳🙈)
張貼
