裝修優雅富格調，樓底高，配上華麗水晶吊燈，融合左傳統高級扒房同紐約摩登餐飾風格，擁有落地玻璃窗，可欣賞中環景觀，好適合同朋友飲下酒傾下計。
餐廳性價比非常高，只需低至 $498 就可享用高質晚市套餐，而且定期有新Menu。
我哋今日叫咗個4-Course Dinner Menu，另外再加$248/head Wine paring。
APPETISER - 兩個人可以揀4款前菜
🥢Parma Ham & Caesar Salad
用呢個形式呈現caesar salad幾特別。羅馬生菜、碎芝士、煙肉，再加上鹹香Parma Ham ，口感非常豐富。
🥢 Avocado & Octopus Salad
呢個最得我心。八爪魚清新爽脆，配上牛油果醬汁，味道好出色！
🥢 Beef Tartare & Pickles Vegetables Brioche
牛肉他他口感鮮嫩，裏面加入醃漬菜，味道帶微辣，再配上多士一齊食。
🥢 Seared Hokkaido Scallop Sashmi & Corn Salsa
鮮甜帶子稍作火炙，配上酸瓜、酸蘿蔔、粟米等，再加上莎莎醬，清新開胃。
🥂Wine Pairing - PROSECCO
意大利氣酒，帶有果香及花香，微甜，適合配Appetiser一同享用。
PASTA -
🥢 Prosciutto Zucchini Rigatoni
鹹香Parma Ham加翠玉瓜，配上粗管通粉，每條管通粉都掛上香濃醬汁，美味～
MAIN COURSE -
🥢 Slow-Cooked Spain Short Rib
西班牙牛肋骨以慢煮方式處理，配上意大利黑醋洋蔥汁。牛肋骨好厚肉但肉質好軟嫩，牛味極香濃，會齒頰留香，回味無窮。
🥢 U.S. Wagyu SRF Pork Collar
用上美國極黑豚豚肉，油脂均勻，肉汁豐富。炭火燒後帶有焦香，加上黑豚肉嘅香味，再配上微辣BBQ醬汁，實在好好味。
餐廳所有牛扒、肉類等全部都用炭火燒，火候控制得非常好。
🥂Wine Pairing - Domaine de l'Herré Chardonnay
呢款帶有白花、接骨木花、梨子、甜杏仁等香氣。 味道就帶有淡淡奶油、蜂蜜同檸檬香。配上肉類係唔錯嘅選擇。
最後以柚子cheesecake作結，味道清新，品嚐完肉類就最適合不過。
而家晚市仲有優惠 ：逢星期一至日，
⭐️第二位減＄100、四人同行一人免費 或
⭐️8:30後訂位、正價餐牌可享有65折優惠
其實係幾抵食。
