影片
更多
2018-01-10
81 瀏覽
12月，踏入聖誕節既月份，不知何故，一些很久不見既朋友都會開始活躍起來，中學，大學，舊同事等等既whatsapp group都開始會相約大家，出來一聚，而是日既晚飯，就由一位中學同學選址尖東既呢一間日本餐廳。餐廳既位置很方便，正正就在尖東地鐵站既旁邊，即使放工前往，亦唔會感到一點既麻煩。餐廳既裝潢走high-end 酒吧既路線，昏暗既燈光，友善既店員，感覺高檔。打開餐牌，可以散叫，亦有套餐，和朋友食飯，有時都唔係太想多用自己既「腦力」，特別在放工既時間，眼見套餐價錢唔算貴，決定點上。套餐會包兩杯Seasonal Fruit Cocktail，店員會過黎問我有冇d咩preference，然後再幫我地tailor made，但係我見自己有幾聲咳，都係決定order非酒精飲品啦，朋友就照飲cocktail。左邊那杯係店員為我調製既飲品，用了Lemongrass + Lemon Juice + Vitamin C 鈣片，加入鈣片呢個設計真係好特別又夠貼心，飲完即時感到自己精神佐好多。右邊那杯係梅酒＋梅酒whisky，飲落好香甜，兩款酒相輔相成，口感一流。3 Tasting Platter三款前
餐廳既位置很方便，正正就在尖東地鐵站既旁邊，即使放工前往，亦唔會感到一點既麻煩。
餐廳既裝潢走high-end 酒吧既路線，昏暗既燈光，友善既店員，感覺高檔。
打開餐牌，可以散叫，亦有套餐，和朋友食飯，有時都唔係太想多用自己既「腦力」，特別在放工既時間，眼見套餐價錢唔算貴，決定點上。
套餐會包兩杯Seasonal Fruit Cocktail，店員會過黎問我有冇d咩preference，然後再幫我地tailor made，但係我見自己有幾聲咳，都係決定order非酒精飲品啦，朋友就照飲cocktail。
左邊那杯係店員為我調製既飲品，用了Lemongrass + Lemon Juice + Vitamin C 鈣片，加入鈣片呢個設計真係好特別又夠貼心，飲完即時感到自己精神佐好多。
右邊那杯係梅酒＋梅酒whisky，飲落好香甜，兩款酒相輔相成，口感一流。
3 Tasting Platter
三款前菜分別係明太子醬配天婦羅蠔，燒金倉魚配黑醋汁，和生牛肉水菜卷配甜蒜汁。
燒香佐既金倉魚口感跟吞拿魚很像，入口很香甜，而底部既沙律菜又可以清一清味蕾。
menu上既係明太子醬配燒蠔，但係最後黎到既係海膽配燒蠔，絕對夠驚喜，海膽既質素很高，清甜不帶一點苦澀，炸蠔係即炸既，蠔身夠大，食落啖啖肉。
生和牛卷份量唔算多，但食落很有肉味，配沙律菜食帶來清新口感。
廚師挑選刺身三點
刺身有三款，包括野生油甘魚，帶子，和拖羅。
三款都係我既最愛，而且非常新鮮，尤其係野生油甘魚，比較少有機會食到，食落油脂豐盈，口感一流，而拖羅入口即溶，每款兩件老實說真係有D唔夠喉。
WASABI係即磨既高檔貨，所以都有D辣度，稍為加少許已經好夠啦。
廚師挑選炙燒 & 壽司8款
8款壽司包括拖羅，油甘魚，剝皮魚，甜蝦，炙熱拖羅，左口魚裙邊，炙燒三文魚，和炙燒帶子。
每一款都十分吸引，但係每一款都只有一件，所以要同朋友分每人4件，基本上最好味最搶手既一定係拖羅同埋油甘魚。
而中式既剝皮魚平時就食得多，日式既真係比較少可以遇到，食落質感不錯，魚味就比較淡。
龍蝦濃湯
湯如其名，真係非常濃郁，老實說，濃既程度令佢比較似醬汁多過似一碗湯，亦都正正係因為呢個原因，所以餐廳特別在湯既底部加上了一個飯團，而飯團就盡吸龍蝦湯既精華，令我地可以一口將佢消滅，滿足感爆登。
炸膽鍋飯
主菜係呢個炸膽鍋飯，真係超級的吸引。
一板既北海道海膽，加上三文魚子，洋蔥和蔥花，配上很香似飯焦感既香飯，由店員為我們烹製，絕對係色香味俱全。
甜品 - 鵝肝馬卡龍 + 抺茶雪糕
本身覺得鵝肝好似同馬卡龍唔多襯，一咸一甜，但係原來餐廳特別將鵝肝雪凍然後做成馬卡龍餡料既形狀，食落都幾得意，而抺茶雪糕亦夠哂濃，而且香滑，為整頓晚餐劃上完美句號。
香港既日本餐廳有不少，但係好多都因為客人太多既緣故而令到服務變差，而呢間餐廳就正正可以做到顧客至上，從 tailor made cocktail 一事已經可見一班，絕對值得支持。
張貼
