Be Leaf (已結業)

今日叫左:泰式豬頸肉菠蘿竹炭漢堡配薯條，都好大個漢堡😆，要切開一半黎食，豬頸肉又大片，但食落又唔覺好滯，反而連菠蘿同竹炭包，食落好正，味道又好夾，加埋大大條薯條，真係好夠飽。配有機茶 - 熱帶綠茶。另外叫一款:香煎紅魚柳蕃茄莎莎蒟蒻麵(生酮)，紅魚柳煎得好香，配上蕃茄莎莎蒟蒻麵，食落好清新，所以食晒。嘆一杯朱古力咖啡，甜度可以揀，我就揀正常，拉花係咖啡嘅精髓，靚嘅拉花唔容易做。最後叫埋:自家製布朗尼蛋糕配雲呢拿雪糕(甜品落單後隨即開始制作)凍凍的雪糕連同蛋糕一齊食，絶好嘅配搭。