BuBu燒麻辣燙

營業中

休息中

朋友食開生酮餐，所以我哋去左BuBu燒麻辣燙食港式串燒。叫咗以下菜式。雞軟骨串燒：佢嘅雞軟骨唔係平時細細粒嗰種，而係長身既。有啲似我哋平時食雞胸肉有個雞軟骨位嗰個部份，幾特別。黑椒台灣腸串燒：甜甜地嘅台灣腸，再加埋黑椒味喺入邊。好入惹味，而且一啲都唔乾身。韭菜串燒：韭菜串燒最驚就係食到成口渣。好彩佢呢個唔老。而且燒嘅時間啱啱好，燒完都保持翠綠。雞中翼串燒：雞中翼燒得金黃，肉質Juicy。豬頸肉串燒：呢個推薦大家一定要食。好厚身嘅豬頸肉，咬落好彈牙，肉汁豐富。燴魷魚一份：職員幫我哋剪開左做一塊塊，可以慢慢一路傾一路食。燒扇貝兩隻：扇貝加咗蒜蓉落去一齊燒。而且扇貝Overcook, 易咬開，並且保留到肉汁。生炸雞髀：雞髀好大隻。調味啱啱好，唔會過鹹。郊外油菜：職員好細心咁，幫我哋蠔油分上。今晚嘅油菜係生菜，生菜爽脆鮮嫩。王老吉，維他菊花茶：食串燒係必須要配嘢飲。我哋叫咗比較清熱嘅菊花茶同埋王老吉，感覺健康啲。第一次嚟呢間舖頭，覺得職員好細心，可以從佢哋燒出嚟食物嘅質素睇得出。