八蠔吧 (已結業)

難得朋友生日當然要食好啲啦！因為朋友本身好鍾意食生蠔，所以我哋就搵咗一間主打食蠔嘅西餐廳同佢慶祝。我地叫咗6款生蠔、4個主菜同埋甜品。-生蠔拼盤一共有六款生蠔，分別源自日本岩手縣、南非同埋法國，生蠔上面仲有三文魚籽，食落更加鮮味，仲可以配埋檸檬汁同醋令鮮味更出。生蠔真係好驚喜，完全冇令我哋失望，個個都食唔停口😋 每隻生蠔都好新鮮大隻肥美，清洗得好乾淨，食落一啲都唔會腥。佢哋特地用特別嘅英式開蠔技巧，保留原粒生蠔肉包括帶子位，口感非常豐富，我暫時喺香港其他地方都食唔到。-美國頂級肉眼扒配季節蔬菜及燒汁牛排份量十足好大份，四個人share都夠。牛肉肉質好靚，咬落肉汁好juicy，好有牛味👍🏻-原隻龍蝦尾芝士通粉龍蝦配mac and cheese我都係第一次食，估唔到非常驚喜❣️龍蝦好大隻勁多肉🦞 肉質爽口彈牙，一啲都唔會韌。Mac and cheese 芝士味超級濃郁，每一啖都有拉絲效果，非常滿足🧀-傅統英式炸魚＆薯條炸魚炸得好靚，出面脆皮好薄，炸得好香口，裡面魚肉好juicy一啲都唔腥，份量亦都幾大😋-黑松露蘑菇意粉黑松露味好出，奶油味好香濃，但唔會覺得好膩。-檸檬芝士餅芝士餅食落好cre