海鮮生蠔吧 (已結業)

小妹自細都唔鍾意食蠔,唔知點解無論點煮都非常抗拒,但係有一日,朋友仔同我o黎island度食Dinner,經佢不停咁遊說下,破天荒試o左幾隻唔同名o既生蠔,名就真係唔記得,但生蠔個種鮮甜甘美,印象尤深,自此,除o左island o既生蠔外, 小妹依然對蠔無咩好感。除o左生蠔外,呢度的服務好好,waiter會好專業咁介紹同教你食生蠔,邊隻味淡o的要食先,邊隻味濃o的記住要最後食,都講得清清楚楚,驚你搞錯影響味道。仲有佢o地o既甜品同意粉angel's hair都好好味,價錢係就係貴o左少少,但真係物有所值o架!