蠔站 (黃金廣場) (已結業)

又係食蠔嘅季節今次呢間專食生蠔嘅餐廳，叫咗佢嘅特價$10 生蠔，叫咗半打試試佢，店員話係美國來嘅生蠔，佢唔算話好肥美，但係佢每一隻都好香蠔味，同時都唔腥。南瓜粟米湯滿滿的南瓜香同粟米味香，雖然係普通嘅材料但係都幾好飲。白酒香蒜辣椒蜆肉扁意粉佢嘅香料好多，但同時又唔會搶咗蜆肉嘅鮮味。一開始以為佢咁多辣椒一定會好辣，但係原來唔算好辣，配合得啱啱好。石燒穀飼紐西蘭牛柳原本對一百幾蚊嘅扒其實就真係冇乜期待，點知原來都幾高質，同埋肉質都算冧，而且佢成舊牛柳好厚身，肉汁豐富。再配埋佢個石板，原本只係一成熟嘅牛柳就可以比我自己調配熟嘅程度，貼心嘅係，店員話如果塊石板已經凍咗嘅話就可以換板。