影片
更多
2023-05-28
22 瀏覽
呢間餐廳想試咗好耐，但係成日都冇經過，咁啱今日想食日本嘢，就諗起佢🙆🏻♀️一入門口，見到勁多生蠔放喺度，好多唔同款🙈不過作為生蠔嘅新手，我都唔係好識揀🙈好在佢哋每一日都會喺張紙上面寫晒當日有嘅生蠔嘅特質比客人睇住黎揀🤔就連一啲比較冷門嘅生蠔都有，咁就揀左三個唔同嘅口味，左邊係兵庫縣哪相生，幾大隻，食落口好厚身好爽，濃郁嘅海水味😍至於第二隻，雖然佢就細隻啲，不過佢係更加Creamy，海水味都係好濃。至於最右邊嗰隻係特色口味-青檸生蠔🫣好有驚喜，估唔到咁新鮮嘅生蠔同泰式味道係咁夾！如果本身唔係太鍾意食生蠔嘅，可以試吓，因為好易入口整體佢嘅生蠔好高質，唔係淨係海水嘅味道，而係喺口腔入邊會有回甘，全部都好新鮮👍🏻跟住叫咗個醃帆立貝薄切，可能因為醃過嘅關係，口感幾特別，食得出有好香嘅油，連埋粒飛魚子放入口，令到成件事豐富咗好多。自己鍾意食串燒同炸嘢，叫左一串佐賀縣產三瀬雞腿肉，玉子免治雞肉，黑豚小排肉同埋吉列千層豬柳😎由於佢啲食材好新鮮 ，所以佢唔使落好多調味料都好好食！雞腿肉好鮮嫩，至於黑豚小排肉，簡直覺得下次要叫多兩串！佢用五層肉去燒，油脂香得來脂肪分布好均勻，口感適中，加上選用靚嘅黑豚豬肉
整體佢嘅生蠔好高質，唔係淨係海水嘅味道，而係喺口腔入邊會有回甘，全部都好新鮮👍🏻
跟住叫咗個醃帆立貝薄切，可能因為醃過嘅關係，口感幾特別，食得出有好香嘅油，連埋粒飛魚子放入口，令到成件事豐富咗好多。
自己鍾意食串燒同炸嘢，叫左一串佐賀縣產三瀬雞腿肉，玉子免治雞肉，黑豚小排肉同埋吉列千層豬柳😎
由於佢啲食材好新鮮 ，所以佢唔使落好多調味料都好好食！雞腿肉好鮮嫩，至於黑豚小排肉，簡直覺得下次要叫多兩串！佢用五層肉去燒，油脂香得來脂肪分布好均勻，口感適中，加上選用靚嘅黑豚豬肉，肉味好濃郁🤤
吉列千層豬柳最值得讚嘅係佢嘅炸粉，夠薄而且唔會好快就林晒，咬落口脆得黎好juicy 又見到一層一層嘅豬肉😋真正外脆內軟！仲叫咗佢推介嘅蒜片欖油蝦，每一隻蝦都好大隻爽口，唔會太過油，而且佢有少少辣去炒過，令到成個味道昇華左！配埋蕃茄同埋菇去炒，辣辣地好開胃！
見佢有意粉，就揀嚟試吓啦！呢個海膽意粉雖然係配忌廉Source , 但係完全唔覺得漏，而且意粉比起出邊好多餐廳都有口感，每一條面都可以掛汁，食得出落咗少量芝士🧀️😻而且佢嘅海膽好新鮮好甜👍🏻👍🏻
配返兩杯酒chill 下，為星期二打打氣🙆🏻♀️佢係酒方面都算幾多選擇，唔使一定要飲啤酒！
張貼
