財記海鮮火鍋活魚刺身 (已結業)

今日星期六全日都要喺公司OT收七點😫😫由於公司係大角咀知道呢頭多好多野，加上而辛苦左成日！一定要食好啲🤓所以預先book咗個美味嘅晚餐就係食刺身海鮮火鍋啦😁其實平時我去親打邊爐都唔會特別想叫刺身，始終覺得唔係主場怕唔新鮮！但係係財記門口有好大個魚缸，有好多正海鮮，而且你去到入邊仲見到佢好多靚牛肉，象拔蚌等生猛海鮮！睇到咁我好有信心夠膽試佢嘅刺身🤩咁見到佢有特別介紹，我哋叫牡丹蝦刺身！呢嚟到超級新鮮😳隔左一段時間，佢都仲郁緊㗎😱咬佢啲肉嘅時候，佢啲手腳係咁郁🙊搞到我覺得自己好殘忍呀！係超級新鮮，未食過咁新鮮嘅牡丹蝦！好爽口好清甜🤤而且我哋叫左每人一隻南非蠔😁大隻大隻好新鮮好鮮甜🤤🤤絕對抵食！$48之後叫左平時打邊爐必備嘅手切肥牛，鮮🦐雲吞，韭菜餃子，冬瓜！鍋方面叫左麻辣雞煲，辣度剛好！如果鍾意打邊爐同埋食刺身嘅你😏絕對推介食呢間！其實下次可以試埋象拔蚌添食🙊