JK Brother’s (已結業)

今日同老公即興好想食日式放題， 見到呢間有八爪魚刺身食，覺得好吸引一於試下。尖沙咀嚟講位置非常方便， 地方闊落，座位也比較多， 啱曬一家大細或者一大班朋友嚟食， 一定唔使驚唔夠位坐。三文魚刺身好厚切，顏色鮮豔，有口感，非常冰凍肥美。隨意點了好幾款壽司，分別有芝士海鰻壽司， 芝士皇帝蟹柳壽司， 鰻魚壽司，三文魚壽司和火焰三文魚壽司。 壽司款式多，非常大體，即叫即整，老闆一d都唔吝嗇。炒魷魚鬚， 炒嘢平時喺日式放題都比較少食 ，但係呢間啲炒嘢係有驚喜， 除左炒得香 之餘一d都唔會太乾，仲好夠鑊氣，非常惹味。新鮮八爪魚刺身， 八爪魚切成細細條， 送到枱面還會動，感覺新奇。 口感嫩滑，非常鮮甜，味道唔錯， 呢個當然一定要食啦天婦羅蟹柳和蝦， 蟹柳超大條，非常有驚喜。我從未食過咁大條既蟹柳， 炸粉夠晒薄， 蟹柳軟熟， 忍唔住叫咗幾次。飲品比平時啲放題多啲款式， 我就揀咗蜜桃汁，裏面仲有蜜桃肉，唔會太甜，岩我口味。雪糕款式仲多， 樣樣都想食，最終都係食呢兩樣已經飽到一個點。 全部任你食，樣樣食啲，真係食到番曬本。