不得不說，個生煎包真係幾好食，皮算薄，一咬入口仍然有好多湯汁，好似食緊一個巨大化既小籠包咁，就算一個人食兩個都唔會厭。
今次叫左糖醋脆黃魚菜飯，正如圖所見，糖醋汁與脆黃魚完全分開，可能係為左避免脆黃魚變林，但缺點係完全唔入味，脆黃魚雖然炸得酥脆，但食落去有種腥味同泥味，感覺好唔舒服，糖醋汁過份甜，好似食緊糖漿咁。
另外，我地仲叫左秘製豬扒擔擔麵，個秘製豬扒，我會形容為蜜汁叉燒咁，非常林身，已經完全唔似豬扒的質感，但同擔擔麵唔係太夾。至於擔擔麵亦虛有其表，望落去好似好濃郁咁，但食落去香味不足，花生味不濃，唔講都唔知自己食緊擔擔麵，以為食緊普通湯麵，令人失望。
總結來說，下次去堅信號，我只會叫生煎包，唔會再試其他餸菜。
