港口味冰室 (已結業)

呢間懷舊既茶餐廳係另一間雪山冰廳既姊妹店，位於係長沙灣，遠遠就見到呢間餐廳，好顯眼。下午茶既餐牌好多選擇，而且仲唔算好貴~✨避風塘生炸雞脾紅豆冰：呢個茶餐超抵食，只係$30咋，雞脾仲要生炸，而家好少地方會用生炸呢種甘麻煩既做法，雞脾岩岩炸起，超熱辣辣，肉汁切開流晒出來，紅豆冰唔算好甜，但紅豆煲到好冧，起晒沙，超正哦~✨清湯牛腩河：牛腩好冧，好有肉味，蘿蔔冧得來好入味。✨秘制瑞士雞翼：果然無叫錯，瑞士汁甜甜地，雞翼入晒味，勁想叫碗白飯撈埋個汁來食。✨港口味沙爹牛肉麵：呢個茶餐廳常餐，點可以唔叫呢！沙爹牛肉麵係用出前一丁，勁香一丁味，配埋沙爹牛肉，味道超夾。午餐肉厚切，煎到脆脆，食落勁滿足，炒蛋勁滑，仲有勁香牛油味既多士，一個字，正!✨忌廉薄荷朱古力：好邪惡吖!一堆忌廉係朱古力上面，吸一啖，先係甜甜既朱古力，再慢慢有薄荷既清涼。✨鑊粥海鮮炒烏冬：呢個又係不得不叫既，勁足料，有蝦，魷魚，青口，烏冬唔會炒到斷晒，美味~仲有仲有，呢度既樽仔奶茶，一定要試，茶味夠，奶好滑。