T&M Dessert (已結業)

放工後好想食甜品，為繁重生活帶來一點甜意。

來到屯門錦薈坊發現呢間新開主打拿破崙甜品店，新張優惠仲有全場9折，於是外賣回來品嚐下。

店員會細心詢問客人到家時間，放上一塊小冰袋入包裝紙盒，保持拿破崙温度，告知客人回家後拿出小冷袋先好放入冰箱。

草莓拿破崙:食完晚飯後急不及待拿出來品嚐人氣之選，頂層有粒草莓同香甜忌廉，中間仲有酸甜草莓同幼滑吉士醬，不會過甜，層次豐富﹗

巧克力拿破崙:頂層杏仁粒配上朱古力粒，中間夾上朱古力碎碎，加上濃郁朱古力醬，朱古力迷實鐘意﹗