如菓 · 愛

營業中

休息中

作為一個生果控早排去Airside食飯見到呢間生果店果汁超多款好吸引 即刻入手左幾款試原來係新鮮即叫即做無溝水亦無添加糖分 好健康🔸如菓愛心脆果杯 $58今次揀左甜甜蜜蜜，以蜜瓜為主角。脆果杯面層鋪滿蜜瓜，下層係軟綿輕盈嘅cream，之後鋪有忌廉椰奶粟米片同可可脆球，最底層就係新鮮果汁。完全可以當Lunch食，蜜瓜超清甜。🔸新鮮水果杯 $25有杯內有多款時令水果，今次食到西瓜、紅火龍果、青提、蜜瓜、雪梨、橙、木瓜，超多款生果！即叫即切，款款都好鮮甜！🔸1公升果汁 $48西瓜汁勁大枝😆買翻屋企配酸辣米線飲超正，勁解辣又透心涼。睇住店員新鮮即榨，真材實料！🔸白火龍果香蕉雪梨 $38呢款係十二星座果汁，屬於白羊座♈️。秋天嚟臨，最啱飲翻d雪梨野潤一潤，呢款香蕉味濃，三款生果混合埋一齊好甜。