Hugo Le Resto Grill (已結業)

早兩日去咗呢間位於怡和街樓上鋪嘅西餐廳食飯補祝生日。同寶寶叫咗個二人餐，包自助沙律吧，餐湯，主菜同餐飲。沙律吧有蝦，青口，幾款沙律菜等等，我地只係試咗菜類同菠蘿，就係好普通嘅沙律。餐湯得一款，龍蝦濃湯。好重蝦味，湯內有少少龍蝦仔肉。要趁熱飲，否則凍咗可能會腥。主菜叫咗一款飯一款肉。香煎鵝肝炒飯，鵝肝外脆內裡軟熟，但有少少煎燶；炒飯幾香，可惜落得太多油，感覺有d唔健康。黑毛豬鞍架好厚身，望落都吸引，食落亦唔算“鞋”口，但醬汁唔冇乜特別，整體冇乜驚喜。