悅來酒店咖啡室 (已結業)

19/7係我大佬個仔仔2歲生日，而我就係20/7，所以一家人嚟食個LUNCH BUFFET 其實我哋都係貪近近地方便大家，對呢度嘅食物都冇咩期望，點知入到嚟發現...嘩..嘩..嘩..原來LUNCH BUFFET都有好多o野食喎，去睇有咩食都轉咗我幾個圈!!!有三款刺身同壽司、好幾款海鮮，沙律吧，中西湯，肉檔，粉麵檔，而熱盤都有成個圈咁多，甜品細細件有好多款，Dreyers及阿波羅雪糕，糖水，汽水，仲有成部咖啡機俾你任沖.....蘋果香蕉都有.....唔記得咁多喇~ 可惜.......雖然食物款式多到你試唔晒，不過我當日所食落肚嘅都唔好味(未算難食)，最正嘅竟然係即叫即煮的粥，當然仲有Dreyers雪糕啦~估唔到都幾多人下，而且有一半都係自由行。