A-1 Bakery & Cafe (已結業)

阿姨生日，我就喺呢間舖頭買咗個焦糖芝士蛋糕畀佢做生日蛋糕，佢一向鍾意食呢個蛋糕。呢個焦糖芝士蛋糕，個價錢並唔平，但係的確係鬆軟，有好香嘅芝士味，好處在於細細個唔會話要一族人先食得曬果種，食落口又唔覺肥膩又唔會太甜，我阿姨有嚴重糖尿病同高血壓都可以食得到，味道嚟講我覺得似係日式芝士蛋糕多過似傳統西式芝士蛋糕， 最正就係蛋糕麵頭上面嗰層蛋糕皮，好有焦糖味又唔會好甜，一個蛋糕就我同阿姨兩個人分嚟食。阿姨生日快樂。