悅來酒店咖啡室 (已結業)

聽日生日，同屋企人黎呢度預祝。環境睇落吾錯，都冇咩同胞在埸，幾和平的自助餐。頭盤，COLD CUT不算多，但味道頗好。煙三文魚很好吃，瀨尿蝦頗為新鮮，也較少見。壽司當然沒有日本料理的質素，但可以接受。沙律方面是我最欣賞的，生果，雜菜，薯仔，蛋各種沙律都有齊，又新鮮，特別是是日沙律隻泰式粉，好味主菜，主菜吾算多，大概得十四五種，不計飯面就更少。SUNDAY ROAST做得不算好，意大利粉係個香草汁好，但煮得太腍了。。。另外蒸魚很有鮮味，其他的其實都不用試，省下胃吃頭盤魚生更好（不過，有誰吃自助餐吃主菜呢？）甜品，呢隻就真係做得不算好，最好食都係blueberry cheese cake，其他就咪預我啦....有時又一物兩用，american cheese cake又係第二種西餅個餅面，甜品迷會比較失望囉。另外有個小朋友BUFFET，有薯餅，焗茄，雞翼個Ｄ，張桌矮矮地好趣致。服務不錯，係件制服好花好怪。。。。最好既係Ｄ野不停refill，保持Ｄ野夠新鮮。條魚原本得番棚骨，轉頭Ｄ魚肉就番哂黎，幾神奇！咁既價錢我覺得好抵，為左Ｄ沙律同服務我會黎第二次架！