影片
更多
2017-01-17
8709 瀏覽
生日月咁開心，唔好比佢停呀！朋友仔係中環返工，話要帶我食好野，咁我就恭敬不如從命啦。Tropical Delight因唔係太好cocktail，叫左杯無酒精飲品。mango, strawberry, citrus，夠哂tropical。酸酸甜甜，口味好清新。刺身薈沙律本身唔太好沙律，但朋友話呢個必點加上見到每台都有一客，就試吓先。一試果然有驚喜，面頭鋪左魚子，天婦羅脆脆，沙律菜中間嘅大大小小刺身粒，好豐富喎！而且配埋和風醬一齊撈嚟食，果然係開胃前菜。帶子海膽墨西哥夾餅最上既係黑松露、海膽、帶子，最底下嗰塊其實係紫菜天婦羅。呢個配搭好新鮮，而且賣相非常討好，每樣都係我鍾意嘅食材，配埋一齊當然非常得我歡心啦。最重要嘅海膽夠新鮮，不過黑松露味道略嫌濃咗啲，有啲搶咗海膽同帶子嘅鮮味。不過整體嚟講都非常滿意。AMAZAKE卷呢個卷亦係餐廳嘅招牌菜。平凡嘅青瓜飯卷，上面鋪上吞拿魚蓉同埋海膽，再加啲魚子吊味，頓時變得不平凡。鵝肝和牛炒飯呢個炒飯食材認真矜貴，有鵝肝配和牛。米飯炒得粒粒分明，上面配有溫泉蛋，撈埋一齊食，蛋汁包住飯粒，濕潤嘅感覺令人一再回味。鵝肝口味偏濃，和牛味亦都突出，兩者配合得宜，令
Tropical Delight因唔係太好cocktail，叫左杯無酒精飲品。mango, strawberry, citrus，夠哂tropical。酸酸甜甜，口味好清新。
刺身薈沙律本身唔太好沙律，但朋友話呢個必點加上見到每台都有一客，就試吓先。一試果然有驚喜，面頭鋪左魚子，天婦羅脆脆，沙律菜中間嘅大大小小刺身粒，好豐富喎！而且配埋和風醬一齊撈嚟食，果然係開胃前菜。
帶子海膽墨西哥夾餅最上既係黑松露、海膽、帶子，最底下嗰塊其實係紫菜天婦羅。呢個配搭好新鮮，而且賣相非常討好，每樣都係我鍾意嘅食材，配埋一齊當然非常得我歡心啦。
最重要嘅海膽夠新鮮，不過黑松露味道略嫌濃咗啲，有啲搶咗海膽同帶子嘅鮮味。不過整體嚟講都非常滿意。
AMAZAKE卷呢個卷亦係餐廳嘅招牌菜。平凡嘅青瓜飯卷，上面鋪上吞拿魚蓉同埋海膽，再加啲魚子吊味，頓時變得不平凡。
鵝肝和牛炒飯呢個炒飯食材認真矜貴，有鵝肝配和牛。米飯炒得粒粒分明，上面配有溫泉蛋，撈埋一齊食，蛋汁包住飯粒，濕潤嘅感覺令人一再回味。鵝肝口味偏濃，和牛味亦都突出，兩者配合得宜，令炒飯生色不少。
餐廳環境氣氛都好好，而且裝修別樹一格，好適合放工黎飲嘢食飯。最重要嘅係食物賣相非常討好，顏色豐富，令人胃口大增。
張貼
