碗屋 (已結業)

好朋友生日，開生日會，嚟呢度又飲又食，一個好開心嘅晚上。我嚟呢度食lunch就多，夜晚都係第一次咋。我地自帶咗紅酒、清酒、威士忌，都要收開瓶費架，生日當然有香檳啦，同埋開多支清酒添，酒鬼多呀。任點任食有50款，因為我地人多，好在侍應幫我地安排好點菜，唔係就亂七八糟。刺生都好有水準，海膽甜嘅，薄燒牛肉同羊架都好食，仲有魚湯都好好飲。每位仲有得送一客焗松葉蟹蓋、鮑魚或者唔記得咩魚，呢個季節梗係松葉蟹啦。之後仲每位送多一隻燒黑松露帶子添呀。甜品有另外一個menu，我冇影到，不過侍應都同我地講，有5種味道嘅雪糕，包括抹茶、豆腐、芒果、唔記得。另外仲有雪米糍，又係有幾款味道架，唔記得。餐廳侍應唔多，但眼見上菜、招呼、執枱都好貼心服務，坐得舒服食得自在，真係聚會嘅好地方。