刺身三文魚好肥美好味呀,吞拿魚一般,有一種白色的白玉豚都幾特別,OK,佢的刺身切都好大件好厚的,仲有八爪魷,螺片,鮑片都好新鮮爽口,仲有立魚,希靈魚,佢地都話好味,新鮮.
花之卷都好大片三文魚同埋好多蟹子,芝士焗蠔都好香好味,唔算大隻,但係都肥美.
火鍋係好大個煲的,佢地叫左地獄湯底,其實唔係好辣的,牛肉,金菇及紹菜,還可以叫唔同既配菜.
仲有天婦羅,有蝦,南瓜,蕃薯都好好味,唔會好厚的炸粉,蝦都好新鮮好味呀,七味煎雞亦,雞軟骨串都好好味,有牛俐,炸香蕉,都好特別的,冷豆腐好滑身,飲品都係任飲,仲有雪糕係豆腐及紅豆味,好清唔甜的.
我地不停咁落單,仕應的服務真的好好,係好有笑容同埋好有禮貌的,上嘢又快又唔亂.
