帝樂 - 德國餐廳 (已結業)

為左慶祝朋友生日, 約埋一班好友去食飯, 就生日既朋友選擇左呢一間餐廳; 餐廳既位置好易搵, 火車尖東站J1中間道出口冇耐就會見到, 餐廳佈置好簡單, 睇落去似一間bar多過餐廳, 亦有live band駐場, 但個人麻麻地鍾意, 因為覺得都幾嘈下; 食物方面, 一坐低即刻一人order一杯德國啤, 雖然我地都唔係好飲酒, 但都覺得味道唔錯, 非一般香港市面既啤酒可比;黎到呢度一定要試下佢既鹹豬手, 皮好脆, 都幾入味, 而德國腸方面反而覺得冇咩特別, 反而肋骨幾好味, 可以一試~~不過發現餐廳居然有烏蠅, 衛生要改善一下