-
✅醃漬菜心+紫菜蟹肉茶碗蒸。
菜心用左菜花部分，食落當然嫩。另外仲有兩粒黑豆。茶碗蒸有一絲絲紫菜，蟹肉都好多。蒸蛋滑嫩，最特別係有d薑味，感覺要來癖寒/癖腥就最啱不過😌
-
✅✅✅用上近江A4和牛的三個部分組成，西冷、肉眼同肩胛。每人大概有3-4片，呢個份量啱啱好。師傅會根據食客進度一步一步煮。白飯可以任添，個人覺得最多添一次就好了！留肚食最後的飯🤩 食邊個部位都有分先後次序，同配搭的蔬菜。廚師會將d好肥的邊都先切走，好仔細🥹
-
每塊煎煎之後灑上砂糖+少少壽喜燒汁，味道絕對唔會過鹹。全部其實都好出色，西冷的油脂最豐富，其後係肉眼，再到肩胛。西冷的油脂多到食完會哇一聲，肉質最軟，入口接近即化🤣 肩胛牛的肉味最濃。
-
加$100的牛舌雖然係薄切，但煮完都唔韌，爽彈爽彈😋
-
蔬菜有娃娃菜、冬菇、皇帝菜、豆腐、麵筋、春雨等。落的壽喜燒汁唔會太多，煮菜都唔會太鹹☺️ 最鍾意豆腐洋蔥春雨，呢幾種都特別甜。
-
最後的滑蛋牛肉飯超好食🤤叫多蔥無錯🥳牛肉切到好細粒，被滑蛋包住，加埋落飯到，令到飯粒都充滿蛋汁，可以食大大碗。日本蛋蛋香超級濃😬加d葱除左甜甜的汁味之外，仲會有啲辛香。
-
甜品的🍓雪糕就正常咯。
-
成餐都好滿意，而呢個價錢都覺得好ok! 關西風同關東風壽喜燒，我一定鍾意關西風多好多！將d肉肉煎到焦香焦香好好食👍🏻
