影片
更多
2019-03-12
2363 瀏覽
適逢嫲嫲89歲生日嘅大日子，我地一家人就訂左龍寶酒家嘅「壹路發發九大簋全包宴」同嫲嫲賀一賀佢。平日一至四做緊$1688，星期五六日就做$1888，仲免收茶錢、小食同13%服務費(雖然我唔知點解唔係10%而係13%😂)，另外送唔係咁易入口嘅紅酒一枝。全體金豬接財神(乳豬)：唔包剪嘅，如果要剪埋就要另收$100，不過其實自己剪都幾好玩，同埋都唔算難剪🤓外皮少脆，好似放過一段時間咁，不過都算多肉，食落都唔會好多肥膏。上湯焗大中蝦伊麵：蝦目測有15-20隻，無仔細去數，不過麵底好少，我地10個人每日都無半碗🙈富貴彩鳳伴花枝(豬肉片花枝片炒西蘭花):不過不失，花枝片唔難咬開，不過豬肉有啲唔熟🤔杏香百花釀大蟹鉗：嘩...呢個就不得了，因為我表哥係做廚嘅，佢一食就食到d肉係霉嘅，叫經理黎睇，佢拎返入廚房之後，換左個瑤柱蛋白炒飯比我地就了事，我都都無再追究，畢竟$1888都唔可以expect太多京式濃雞湯煲花膠：花膠都真係幾足料嘅，至少十三碗花膠湯入面，每一碗都有一舊花膠，不過個人覺得濃湯稍微有啲咸，花膠都唔係太膠😂無咩漿口嘅感覺金銀蒜粉絲蒸元貝：呢個先係一道幾好嘅菜式，原本都尚算新鮮，而每一個原本上
平日一至四做緊$1688，星期五六日就做$1888，仲免收茶錢、小食同13%服務費(雖然我唔知點解唔係10%而係13%😂)，另外送唔係咁易入口嘅紅酒一枝。
全體金豬接財神(乳豬)：唔包剪嘅，如果要剪埋就要另收$100，不過其實自己剪都幾好玩，同埋都唔算難剪🤓外皮少脆，好似放過一段時間咁，不過都算多肉，食落都唔會好多肥膏。
全體金豬接財神(乳豬)
80 瀏覽
0 讚好
0 留言
上湯焗大中蝦伊麵：蝦目測有15-20隻，無仔細去數，不過麵底好少，我地10個人每日都無半碗🙈
上湯焗大中蝦伊麵
34 瀏覽
0 讚好
0 留言
富貴彩鳳伴花枝(豬肉片花枝片炒西蘭花):不過不失，花枝片唔難咬開，不過豬肉有啲唔熟🤔
富貴彩鳳伴花枝(豬肉片花枝片炒西蘭花)
115 瀏覽
0 讚好
0 留言
杏香百花釀大蟹鉗：嘩...呢個就不得了，因為我表哥係做廚嘅，佢一食就食到d肉係霉嘅，叫經理黎睇，佢拎返入廚房之後，換左個瑤柱蛋白炒飯比我地就了事，我都都無再追究，畢竟$1888都唔可以expect太多
杏香百花釀大蟹鉗
146 瀏覽
0 讚好
0 留言
瑤柱蛋白炒飯
42 瀏覽
0 讚好
0 留言
京式濃雞湯煲花膠：花膠都真係幾足料嘅，至少十三碗花膠湯入面，每一碗都有一舊花膠，不過個人覺得濃湯稍微有啲咸，花膠都唔係太膠😂無咩漿口嘅感覺
京式濃雞湯煲花膠
81 瀏覽
0 讚好
0 留言
金銀蒜粉絲蒸元貝：呢個先係一道幾好嘅菜式，原本都尚算新鮮，而每一個原本上邊都有滿滿嘅粉絲，元貝都唔會點痴牙，唔錯唔錯
金銀蒜粉絲蒸元貝
68 瀏覽
0 讚好
0 留言
清蒸游水大龍躉：係我嘅至愛—魚！呢條龍躉都真係幾大😂魚肉feel到係新鮮嘅，唔會蒸到好老，每一啖魚肉都係滑而嫩嘅😍呢個真心正！
清蒸游水大龍躉
15 瀏覽
0 讚好
0 留言
發財大好市(髮菜蠔豉生菜)：蠔豉嘅數量幾多，食落唔會有臭味，髮菜相反地得好少，不過芡汁唔會太濃，不過不失🤓
發財大好市(髮菜蠔豉生菜)
64 瀏覽
0 讚好
0 留言
瑤香貴妃雞：落咗太多醬汁的，搞到成隻雞都好咸，不過雞肉肉質都算鮮嫩，咬落去都唔會有好多渣，不過隻雞比較細隻，都唔多夠我哋咁多個人食🙈
瑤香貴妃雞
106 瀏覽
0 讚好
0 留言
蛋黃蓮蓉大蟠桃：壽包蓮蓉好多，蛋黃得小小，唔夠熱之餘又有d dry，不過可能本身我都唔太鍾意食壽包，所以不予太多評語
蛋黃蓮蓉大蟠桃
18 瀏覽
0 讚好
0 留言
食到最後仲比左十二個蘋果我地，都唔爛嘅，出面買平平地都$12/3個啦😂算係咁
張貼
