影片
更多
2008-01-18
10 瀏覽
11月30日, 呀菲正日生日, 因為我地都好鍾意試新野, 上次食過埃及野, 今次就西班牙同德國揀, 最後我揀咗西班牙, 好在呀菲鍾意西班牙多d. 揀呢到係鍾意冇咁嘈同冇咁多人, 遠離城市靜靜地好優閒咁享用晚餐~ 坐室外, 有海景睇不過黑蚊蚊~ 雖然好大風, 不過好在掛咗塊透明膠布, 仲有開暖爐, 所以一d都唔凍, 相反室內有d嘈, 揀坐出面係明智既~::: Chicken Fillet Croquette ::: $60係炸芝士雞條, 好香好脆, 芝士同雞肉好夾, 切記要襯熱食, 凍咗d芝士會凝固咗一舊. 不過得5條好少而且好細粒…唔係有d芝士夠heavy食完真係好似冇食過野甘!!::: Smoked Salmon on Waffles ::: $75煙三文魚多士, 好好食, 好香煙燻味之餘d生菜同多士好脆, 仲有牛油果, 陷料好多好豐富~ 好似食緊三文魚沙津, 推介!::: Seafood Paella ::: $340 (2人份)西班牙海鮮焗飯. 超級期待~ 呢個飯只係可以叫2人份量, 搞到想再試多d其他野都唔得, 不過又好想食, 因為之前睇遊旅遊特輯, 介紹西班牙炒飯, 話個鑊d
::: Chicken Fillet Croquette ::: $60
係炸芝士雞條, 好香好脆, 芝士同雞肉好夾, 切記要襯熱食, 凍咗d芝士會凝固咗一舊. 不過得5條好少而且好細粒…唔係有d芝士夠heavy食完真係好似冇食過野甘!!
::: Smoked Salmon on Waffles ::: $75
煙三文魚多士, 好好食, 好香煙燻味之餘d生菜同多士好脆, 仲有牛油果, 陷料好多好豐富~ 好似食緊三文魚沙津, 推介!
::: Seafood Paella ::: $340 (2人份)
西班牙海鮮焗飯. 超級期待~ 呢個飯只係可以叫2人份量, 搞到想再試多d其他野都唔得, 不過又好想食, 因為之前睇遊旅遊特輯, 介紹西班牙炒飯, 話個鑊d飯焦要摌到”dondon”聲. 呢度既當然不及西班牙地道啦, 冇乜飯焦. 但係味道唔錯, 個飯底有d似西炒飯? 海鮮料有大蝦, 蜆, 青口, 墨魚~ 都幾新鮮~ d蝦好大隻~ 不過2人份既話又少咗d.
::: Choco Pudding w/ Ice Cream ::: $83
朱古力軟心蛋糕加雲呢拿雪糕. 食完正餐唔係太飽, 加個甜品就夠喇. 有d西班牙特色甜品好似杏仁餅, 不過我地都係鍾意傳統d正常d既. 唔錯唔錯. 雖然係普通d, 不過都已經甜到入心~
d侍應服務唔錯, 會推介d食物,雖然我地一樣都冇叫~ 開咗一枝水要$40, 下次叫杯咖啡或者凍飲應該會抵d. 現場有live band唱歌, 每枱一至兩首. 唔多人, 坐得舒服, 貴少少食個環境都好~
張貼
