影片
更多
2017-11-03
161 瀏覽
男朋友生日, 當然要同佢慶祝一番喇!!! 仲特登請假同佢去海浪公園玩, 另外男朋友鍾意食日本菜, 所以我一早精挑細選餐廳!!! 鐵人旨花朋友食過都話唔錯架, 預先訂位等佢有個驚喜。鐵人旨花位於銅鑼灣, 位置方便就腳, 而且唔會難搵, 都近崇光嘅。一開門, 已經見到鐵人旨花嘅招牌, 有日式感覺, 招財貓好得意呀!餐廳有分壽司吧枱位同鐵板燒位, 一早訂左鐵板燒位, 店員好快便帶我地去座位喇。餐廳裝修日式, 有紅葉做裝飾, 啱哂依家楓葉的季節, 好應景! 空間大, 座位唔會逼, 坐得舒適!餐牌都有唔少鐵板燒嘅二人前選擇, 有鮑魚, 鱈場蟹, 伊勢龍蝦同白象拔。另外, 有鐵板燒單品, 壽司同刺身可以另外加的。男朋友揀左佢最鍾意嘅伊勢海老二人前。餐廳仲提供好多日本酒選擇, 可惜我酒量不佳, 所以冇點。店員首先奉上前菜, 有薯仔蛋沙律同沙律菜。薯仔蛋沙律加左南瓜醬汁同脆煙肉, 醬汁甜甜地, 好好味。沙律菜用左醋汁, 味道清新, 作為前菜好開胃。師傅帶同我地今晚嘅食材出現喇!!! 有今晚主角---伊勢龍蝦!!! 好大隻, 仲識郁架, 好生猛!!!另外仲有我最愛嘅東星斑, 和牛同蔬菜!!! 東星斑肉
鐵人旨花位於銅鑼灣, 位置方便就腳, 而且唔會難搵, 都近崇光嘅。
一開門, 已經見到鐵人旨花嘅招牌, 有日式感覺, 招財貓好得意呀!
餐廳有分壽司吧枱位同鐵板燒位, 一早訂左鐵板燒位, 店員好快便帶我地去座位喇。
餐廳裝修日式, 有紅葉做裝飾, 啱哂依家楓葉的季節, 好應景! 空間大, 座位唔會逼, 坐得舒適!
餐牌都有唔少鐵板燒嘅二人前選擇, 有鮑魚, 鱈場蟹, 伊勢龍蝦同白象拔。
另外, 有鐵板燒單品, 壽司同刺身可以另外加的。男朋友揀左佢最鍾意嘅伊勢海老二人前。
餐廳仲提供好多日本酒選擇, 可惜我酒量不佳, 所以冇點。
店員首先奉上前菜, 有薯仔蛋沙律同沙律菜。薯仔蛋沙律加左南瓜醬汁同脆煙肉, 醬汁甜甜地, 好好味。沙律菜用左醋汁, 味道清新, 作為前菜好開胃。
師傅帶同我地今晚嘅食材出現喇!!! 有今晚主角---伊勢龍蝦!!! 好大隻, 仲識郁架, 好生猛!!!
另外仲有我最愛嘅東星斑, 和牛同蔬菜!!! 東星斑肉好厚同大件, 和牛色澤紅潤, 油脂分佈均勻, 好吸引呀!!!!
師傅為我地介紹佢首先煮東星斑先, 見到師傅煎一煎東星斑後, 將皮同肉分開, 再煮醬汁。食鐵板燒嘅好處就係可以睇師傅表演佢地嘅煮法!!!
睇住師傅點樣擺盤, 到菜式完成, 師傅好似整一件藝術品甘, 專注認真!!! 汁煮東星斑, 魚皮已經煎得香脆可口, 不油膩, 正!!!
東星斑喺香港的, 新鮮, 肉厚身, 無腥味, 而且煮得剛剛好, 肉質嫩, 唔鞋口。醬汁係日式, 酸酸地, 唔會漏, 魚肉夾洋蔥一齊食, 好好味!!!
龍蝦已經上左鐵板刑台 龍蝦係由日本空運到港, 非常新鮮, 龍蝦仲識郁架!!!
師傅好快手將龍蝦拆肉, 龍蝦肉只係少少熟, 等等再回鐵板上煎。
師傅變魔術般將原隻龍蝦去殼拆肉, 仲煮左醬汁。醬汁係海膽加龍蝦膏煮成, 聽到呢個組合已經覺得好味, 期待入口的滋味!!!
伊勢龍蝦終於上碟喇!!! 賣相好吸引人, 令人即刻食指大動!!! 師傅話可以唔加檸檬, 試一試原味先。
龍蝦肉味道鮮甜, 爽口彈牙, 蝦肉雪白, 煮到剛剛好, 肉質鮮嫩, 好好味呀!!! 來自伊勢嘅龍蝦, 果然名不虛傳!!! 點一點金黃色嘅醬汁, 醬汁味道濃郁, 鮮上加鮮, 一定要試呀!!!
食完龍蝦後, 師傅已經料理緊熊本A5和牛!! 師傅話三成熟都已經夠, 不怕生嘅我地都聽師傅的意見, 一於三成熟吧!!!
話甘快師傅已經將和牛上菜了, 賣相賞心悅目, 有香脆金黃嘅蒜片, 加上伴碟蔬菜的露筍, 南瓜同大菇, 而調味料有岩鹽同黑醋。
和牛入口有和牛獨有的油香味, 牛味濃郁, 而且唔會韌, 唔洗加任何調味料, 已經夠味!!! 加上蒜片, 會令肉味更提升! 問左師傅點解選擇熊本和牛, 師傅佢就話熊本和牛, 佢嘅肉同油脂分佈均勻而且有肉味, 適合香港人口味, 聽完之後, 又上左一堂課喇!!!
食完濃郁的和牛後, 師傅為我地煮上蜆湯, 來自香港的沙白蜆加上昆布同薑片, 令人期待的熱湯!!!
師傅拎出金色的煮湯神器, 加入材料同清酒, 然後點火揮發湯內的酒精, 好快手為我地奉上了蜆湯!!
蜆肉鮮嫩, 熱湯有濃濃的蜆味, 原來用上蜆湯, 蜆湯飲完唔會令人覺得有負擔, 清爽得黎又有濃濃的鮮味。
飲湯時, 師傅已經為我地準備最後一道料理, 和牛炒飯!!
和牛炒飯只加了少許的鹽同胡椒調味, 飯炒到粒粒分明不油膩, 同蜆湯一樣冇負擔感, 為今晚鐵板料理劃上一個完滿的句號!!
甜品我揀了水果啫喱, 酸甜的水果加上啫喱, 令人覺得清新。男朋友食得好開心, 非常滿意我今晚精心的安排, 朋友推介果然係無錯, 真係要黎試一試!!
另外, 店員服務好好, 好細心, 留意客人有咩需要, 而且有禮貌。
鐵板燒料理可以同師傅交流, 而且仲可以睇師傅表演出神入化的手藝, 真係值得一試!!!
張貼
