咖啡灣 (太和中心) (已結業)

大埔區內的一間人氣cafe,環境設計唔錯,不過地方只坐到5,6台人,感覺挺輕鬆的。很多人都大推軟殼蟹卡邦尼蛋汁意粉,原隻軟殼蟹炸得金黃香脆,賣相分一流。大家唔好以為隻軟殼蟹好大隻,其實只有半巴掌咁大的,而且本人覺得味道偏鹹 ,意粉比較多cream sauce, 口味淡少少就好。爆漿蜜糖芝士炸雞配薯條賣相好吸引,熱騰騰炸好而且卜卜脆,最有心思是俾左泰式醬,草莓醬以及芥末醬任你選擇。可惜我食唔到蜜糖和芝士味,只係一堆重重的味精粉,好失望明明waffle先係要食的甜品但由於食左兩碟食物已經好飽好膩了,只好輕只嚐個紅豆雪糕綠茶塔。呢個甜品都算有心思,而且份量唔HEA,綠茶餅層好鬆軟,茶味好香,下午茶食性價比都好高。如果想試,都係覺得食佢的招牌窩夫就可以了。